POP 5

Lajmet më të lexuara të 5 minutave të fundit

Arkiva

Pakti PS-LSI:Rama kryeministër
Meta do jetë kryetar Parlamenti

Kryetari i PS-së Edi Rama do të jetë kryeministri i vendit, ndërsa Ilir Meta do të drejtojë Parlamentin. Kjo është marrëveshja e arritur sot në mesditë mes dy liderëve kryesorë të koalicionit të majtë i cili do të qeverisë pas fitores së zgjedhjeve të 23 qershorit. Rama e Meta u takuan sot në mesditë në hotel "Sheraton". "Qeveria të ndalë prokurorimet e reja dhe të mos merren vendime për koncesione të reja të pasurisë publike"
Meta, sot në mbrëmje tek "5 pyetje nga Babaramo"
Toni Blair: Po do të bashkëpunoj me Ramën
"The Economist": Eshte radha e Edit
FOTO e Dites/12-vjeçari fatsjellës
Pakti PS-LSI:Rama kryeministër<br />Meta do jetë kryetar Parlamenti
TIRANE-  Kryetari i PS-së Edi Rama do të jetë kryeministri i vendit, ndërsa Ilir Meta do të drejtojë Parlamentin. Kjo është marrëveshja e arritur sot në mesditë mes dy liderëve kryesorë të koalicionit të majtë i cili do të qeverisë vendin për 4 vitet e ardhshme, pas fitores së zgjedhjeve të 23 qershorit.

Edi Rama dhe Ilir Meta u takuan sot në mesditë në hotel "Sheraton"  për rreth 2 orë e 30 minuta për të vendosur piketat e planit të tranzicionit deri në hapjen e legjislaturës së re.

TVA1 Report ishte e para që informoi për arritjen e marrëveshjes sipas së cilës qeveria do të drejtohet nga Edi Rama ndërsa Ilir Meta do të ulet në karrigen e kryetarit të Parlamentit. Burimet të cilave i referohej A1 Report bëri të ditur se gjatë takimit të sotëm nuk ishte disktuar ndarja e ministrive, por do të ngrihej një grup pune i përbashkët PS-LSI për ristrukturimin e kabinetit qeveritar i cili prej shtatorit do të drejtohet nga kryetari i PS-së Edi Rama.

Pak kohë më pas zyra e shtypit e PS-së publikoi piketat e marrëveshjes mes Ramës e Metës.

Në këtë takim u shpreh dhe shqetësimi dhe i kërkohet qeverisë Berisha të ndalë prokurorimet e reja të mos merren vendime për koncesione të reja të pasurisë publike, të garantohet që administrata të mos përfshihet në veprime antiligjore apo joetike të orës së fundit me arkën e shtetit.

PIKETAT E TAKIMIT TE SOTEM
-Eshtë konfirmuar angazhimi publik i PS-LSI për të ndarë mandatin e deputetit nga detyra ekzekutive e ministrit.
-Do ngrihet grup i përbashkët pune për planin e detajuar të punës së 300 ditëve të para të qeverisjes
-Do të krijohet një Task Force për projektin e TAP
-Shqetësim për qeverisjen deri në shtator:
Të ndalen prokurorimet e reja
Të mos merren vendime për koncesione të reja të pasurisë publike
Administrata të mos përfshihet në veprime antiligjore apo joetike të orës së fundit me arkën e shtetit.

-Konsultime të mëtejshme për strukturën dhe përbërjen e qeverisë së re, për të cilën do të dëgjohen edhe aletatët e tjerë.

Në 18:00 LSI informon mbledhjen e kryesisë.

NJOFTMI I PLOTE I PS PER MARREVESHJEN 
Dy kryetarët e PS-LSI, Edi Rama dhe Ilir Meta, u takuan për rreth 2 orë e 30 minuta në mjediset e Hotel Sheraton për të vendosur piketat e planit të tranzicionit deri në hapjen e legjislaturës së re.

U ra dakord që në funksion të një ndarjeje të përgjegjësive për të përmbushur me sukses detyrimet që burojnë prej votës plebishitare të 23 qershorit për Aleancën për Shqipërinë Europiane, kryetari i PS Edi Rama do të drejtojë qeverinë e re, ndërsa kryetari i LSI Ilir Meta do të drejtojë Kuvendin e ri.

U konfirmua angazhimi publik i PS-LSI për të ndarë mandatin e deputetit nga detyra ekzekutive e ministrit.

U vlerësua se pikësëpari një grup i përbashkët pune nën drejtimin e Sekretarit të Programit të PS, Ilir Beqja, dhe anëtarin e kryesisë së LSI Edmond Haxhinasto, duhet të nisë menjëherë nga puna për planin e detajuar të punës së 300 ditëve të para që do t’i paraqitet publikut në muajin shtator. Ky grup pune do të vendosë kontakte me grupet e interesit si edhe me ekspertë vendas e të huaj të nivelit më të lartë.  

U çmua e nevojshme, edhe në vijim të kontaktit që të dy kryetarët patën dje me autoritete përfaqësuese të Azerbajxhanit, që në mbështetje të plotë të projektit të TAP të krijohet një Task Force. Kjo Task Force duhet të bëhet operative për të ndjekur fazën përgatitore të projektit si edhe për të organizuar në  bashkëpunim me partnerët në këtë projekt, procesin e kualifikimit të burimeve njerëzore vendase që do të përfshihen në fazën e realizimit të projektit.

U shpreh shqetësimi për të dhënat më të fundit që tregojnë se qeveria në detyrë nuk po bën thjesht kujdestarinë dymujore që imponon verdikti plebishitar i 23 qershorit, por po vazhdon në një inerci që nuk është në dobi të vendit e të qytetarëve. Prandaj dy liderët e koalicionit fitues vendosën të bëjnë apel për urtësi e përgjegjshmëri nga ana e kryeministrit në detyrë dhe e qeverisë së tij, në mënyrë që të mos ndërmerren hapa që bien ndesh me etikën e një qeverie kujdestarie. Të ndalen prokurorimet e reja, të mos merren vendime për koncesione të reja të pasurisë publike, të garantohet që administrata të mos përfshihet në veprime antiligjore apo joetike të orës së fundit me arkën e shtetit.

U nënvizua nevoja për t’i dhënë vendit një skuadër qeverisëse që do të sjellë një model të ri sjelljeje e veprimi në procesin qeverisës, si edhe një model të ri gjithëpërfshirës të parlamentarizmit me një frymë bashkëpunuese jo vetëm me opozitën po edhe me shoqërinë  në procesin ligjvënës.  

U dakordësua ecuria e mëtejshme e konsultimeve për strukturën dhe përbërjen e qeverisë së re, për të cilën do të dëgjohen me vëmendjen e merituar edhe aletatët e tjerë."

Ky ishte takimi i parë që pas fitores së zgjedhjeve të 23 qershorit, ku e majta mori 84 mandate.

Redaksia online
(sg/shqiptarja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça