Paloka hedh shiringën, Berisha i 'fsheh dorën': Ishte stilograf!

Ish-kryeministri Sali Berisha ka mohuar atë që duket qartësisht përmes fotove edhe videove. Shiringën e mbushur me bojë në duart e Edi Palokës, teksa e zbraz në drejtim të kryeministrit Edi Rama. Nga fotot dallohet kryeministri i bërë me bojë në fytyrë, si dhe momenti fiks kur Edi Paloka shtrëngon shiringën duke lëshuar bojën. Një veprim që i kushtoi atij përjashtimin nga salla e Kuvendit, edhe pse nuk e zbatoi duke detyruar kryeparlamentarin Gramoz Ruçi të mbledhë Byronë e Kuvendit.

Paloka me shiringë duke spërkatur Ramën

Në një deklaratë për mediat jashtë Parlamentit, Berisha justifikoi veprimin e Palokës duke thënë se kryeministri Edi Rama përdori fjalë ofenduese ndaj liderit të opozitës Basha, dhe ndaj gjesti sipas Berishës, ishte mëse i merituar. Por ish-kryeministri mohoi që Paloka të ketë qëlluar me shiringë. duke thënë se ishte një stilograf, edhe pse vetë fotot e shpërndara nga zyra e shtypit të PD-së, dëshmojnë të kundërtën.

"A e dëgjuat cfarë u tha?

Çfarë i tha?

Dëgjojeni

S'mund të përsëris fjalët e tij

Nuk mund të fyhet kryetari i opozitës nga kryeministri si rrugac, se është mësuar ai,

Kryetari i opozitës shprehu mendimine  opozitës, dhe nuk i bëri asnjë fyerje personale, ai u lëshua me fjalë që ishin ofenduese, duhet të marrë fund një herë e mirë ofendimi dhe sharjet", tha Berisha.

Lajmi kryesor:

Paloka bojë fytyrës Ramës, Garda: Ishte solucion kimik! Nis hetimi (VIDEO-FOTO)

G.M./b.ha./Shqiptarja.com

TAG:
• edi rama
• edi paloka
• kuvend
• seanca e kuvendit 14 shkurt 2019