POP 5

Lajmet më të lexuara të 5 minutave të fundit

Kultura

Panairi i 27-të i librit, ndahen çmime për vepra dhe autorë. Mungoi vlerësimi për veprat poetike e letërsinë për fëmijë

Janë ndarë mesditën e kësaj të shtune çmimet e Panairit të 27-të Librit në Tiranë. Juria ka vlerësuar autorin më të mirë, veprën më të mirë të përkthyer etj., por nuk ka dhënë asnjë çmim për letërsinë për fëmijë apo veprat poetike.

Gjashtë çmime dhe një diplomë mirënjohjeje janë dhënë këtë vit gjatë edicionit të 27- të të Panairit të Librit në Tiranë. Çmimi për autorin më të mirë i është dhënë Enkel Demit për romanin “I rënë nga qielli”. Ai për përkthimin i është dhënë Milena Selimit për përkthimin e veprës së Georgi Gospodinov, “Kohëstrehim”. Viola Isufaj është vlerësuar me çmimin për veprën studimore për kontributin e saj në historiografinë letrare shqipe me veprën “Zef Zorba”.

"Në 10-15 vitet e fundit, letërsia shqiptare jo vetëm që ka sjellë emra të rinj krijuesish dhe është normale, është dialektike që me kalimin e vitit kemi risi të reja, kemi dukuri të reja, kemi dhe nivele të tjera shkrimtarie. Dhe këta autorë nuk janë më të rinj tani, janë 45 dhe 50 vjeçarë. Këta që janë quajtur autorë të rinj deri tani po dominojnë tregun, po kërkohen në treg.", - shprehet kryetari i Shoqatës së Botuesve Shqiptarë, Petrit Ymeri.

Enkel Demi, fitues i çmimit të autorit më të mirë ndihet i përkëdhelur në sedër nga ky vlerësim.

"Padyshim një çmim është i rëndësishëm, veçanërisht çmimi i panairit sepse bëhet fjalë për një qëmtim të vëmendshëm që juria u ka bërë pothuajse të gjithë teksteve të letërsisë shqiptare, që është botuar këtë vit dhe më përkëdhel sedrën.", - thotë ai.

Ndërkohë me çmim për veprën e tij ekonomike u vlerësua edhe Anastas Angjeli, ndërsa një çmim iu dha edhe Lindita Gjetanit, për përkthimin nga frëngjishtja në gjuhën shqipe të veprës “Mirupafshim atje lart”, si dhe u dha dhe një diplomë mirënjohjeje për autorin nga Mali i Zi, Dimitrov Popoviç.

Vlerësimit e fundit nuk ishin në listën e çmimeve tradicionale që jepen gjatë Panairit nga Shoqata e Botuesve Shqiptarë, ndërkohë që ndryshe nga sa ishte thënë dhe pritej nuk u nda asnjë çmim për veprën më të mirë të Letërsisë për Fëmijë në shqip. Po ashtu asnjë çmim nuk u dha as për veprën më të mirë poetike.

Juria që vlerësoi veprat këtë vit përbëhej nga Anisa Ymeri, gazetare e kulturës; Ben Andoni, publicist e përkthyes; Ilir Baçi, përkthyes; Ledia Dushi, poete e përkthyese dhe Luli Sula, studiuese e letërsisë, pedagoge në UT.

Fituesit e panairit 2024
Enkel Demi u shpall autori më i mirë i vitit.
Milena Selimi fitoi çmimin për përkthimin më të mirë të vitit me romanin e saj “Kohëstrehim”.
Anastas Angjeli u shpall fitues i çmimit për studimin më të mirë në shkencat ekonomike.
Vjola Isufaj mori çmimin për veprën më të mirë studimore
Lindita Gjetani mori çmim për përkthimin më të mirë në frëngjisht për veprën “Mirupafshim atje lart”

B.G/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 26 Mars, 08:02

    Sa të rëndësishme janë zgjedhjet e 11 majit për integrimin në BE?

Lajme të tjera



×

Lajmi i fundit

Pesë fushat ku Turqia luan rol kyç në çështjet botërore

Pesë fushat ku Turqia luan rol kyç në çështjet botërore

26 Mars, 12:32