68 pasagjerë mes tyre shumica shqiptarë kanë kaluar minuta paniku në fluturim nga Ancona drejt Tiranës me avionin e kompanisë “Mistral Air”.
 
Shkak për këtë situatë sipas raportimeve të mediave italiane është bërë prania e tymit në avion teksa mjeti është ngritur në fluturim drejt Tiranës.
 
Ky fluturim tashmë është anuluar. Në ora 10:45 minuta ishte planifikuar nisja nga aeroporti italian drejt aeroportit “Nënë Tereza”.

Avioni ka bërë ulje emergjentë duke u kthyer në pistë ndërsa është dashur ndërhyrja e zjarrfikësve për të vënë nën kontroll situatën.
 
avioni ancona
(Tabela që tregon anulimin e fluturimit)

Burime për Report Tv bënë me dije se nga 68 udhëtarët dhe ekuipazhi i avionit nuk ka asnjë të lënduar.

Pasagjerët: Blue Panorama na ndërroi avionin
​Pasagjerë në këtë avion të kontaktuar nga Report Tv, thanë se biletat i kanë blerë pranë kompanisë "Blue Panorama".

Sipas tyre, kjo kompani u ka ndërruar avionin, i cili më pas ka pësuar defekt në qarkun elektrik, duke shkaktuar tym brenda në kabinë.

68 pasagjerët, nisen sot në 20:30 drejt Tiranës
Pasagjerët të cilët ndodheshin në bordin e avionit, janë transportuar në Pescara me autobus. Bëhet e ditur se rikthimi i tyre për në Tiranë do të bëhet mbrëmjen e sotme në orën 20:30

avioni ancona
(Fotografi e avionit në bordin e të cilit ndodhi incidenti)


(D.T/Shqiptarja.com)