Panik për Carlos Tevez, ish-futbollisti humbet ndjenjat dhe përfundon në spital

Panik për Carlos Tevez, ish-futbollisti humbet ndjenjat dhe përfundon në spital

Carlos Tevez

Carlos Tevezit iu deshën 10 qepje në kokë pasi i ra të fikët në banjo teksa u rrëzua në banesë. Tevez aktualisht është trajner i klubit Atletico Independiente, i cili është në krye të Primera Division argjentinas. Kjo është vetëm detyra e tij e dytë në menaxhim, pasi kishte kaluar pesë muaj si teknik i Rosario Central vitin e kaluar.

Por ndërsa gjërat kanë shkuar mirë në fushë, Tevez u detyrua të humbiste stërvitjen të mërkurën pasi pësoi një aksident në shtëpi. 39-vjeçari kishte mbetur i zhgënjyer pasi skuadra e tij u ndal në një barazim pa gola nga Argentinos Juniors e mesit të tabelës të dielën.

Pas kthimit në shtëpi, ESPN raportoi se Tevez u rrëzua në banjën e banesës pasi i ra të fikët. Trajneri i Independientes goditi kokën pasi u rrëzua dhe u dërgua në spital, ku doli me dhjetë qepje. Sipas Ole, Tevez përjetoi një periudhë 'marramendje', përpara se të godiste kockën e vetullës së majtë pasi i ra të fikët. Sasia e gjakut nga plaga nënkuptonte se ai duhej të shkonte 'urgjentisht' në një spital afër shtëpisë së tij.

Ka qenë njjë nga vajzat e tij që ka ndërhyrë, duke e ndihmuar dhe më pas ka lajmëruar ambulancën. Mëngjesin e sotëm, ai ka qenë në stol për të drejtuar skuadrën e tij, e cila fitoi 3-0 ndaj Barracas. Gjithsesi, pritet që Teves të kryejë disa analiza mjekësore për të mësuar se përse humbi ndjenjat.

S.DH/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A e forcon sigurinë dhe rolin e Shqipërisë baza e NATO-s në Kuçovë?



×

Lajmi i fundit

'Nuk ia kam idenë çfarë punimesh kryheshin? U arrestua pas shpërthimit në Lushnje, çfarë deklaroi sipërmarrësi në prokurori

'Nuk ia kam idenë çfarë punimesh kryheshin? U arrestua pas shpërthimit në Lushnje, çfarë deklaroi sipërmarrësi në prokurori