Receta

Panna cotta me fruta pylli nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 7 Shkurt, 11:56 | Përditesimi: 7 Shkurt, 11:57

Panna cotta me fruta pylli

Përbërësit:

500 ml pana e freskët
100 gr sheqer
1 lç esencë vaniljeje
2 lç xhelatinë pluhur / 4 fletë xhelatinë
3-4 lugë ujë të ftohtë
Për salcën e frutave:
200 gr fruta pylli
2-3 lgj sheqer
Lëngu i gjysmës së 1 limoni

Përgatitja:

LEXO EDHE:
Patate me bizele në tigan nga zonja Albana

Në një enë të vogël përziejmë xhelatinën me ujin e ftohtë dhe e lëmë të qëndrojë për 5-10 minuta derisa të fryhet. Ndërkohë në një tenxhere hedhim panën dhe sheqerin. E ngrohim në zjarr të ulët duke e përzier herë pas here, por pa e kaluar në vlim. Shtojmë vaniljen dhe e përziejmë mirë. E heqim tenxheren nga zjarri dhe shtojmë xhelatinën e tretur duke e përzier mirë derisa xhelatina të shkrihet plotësisht. Kullojmë përzierjen në një sitë të imët dhe e hedhim në gota ose forma të vogla. E lëmë të ftohet në temperaturën e dhomës dhe më pas e vendosim në frigorifer për të paktën 4-5 orë derisa të mpikset. Përgatisim salcën e frutave, në një tenxhere të vogël hedhim frutat e pyllit, sheqerin dhe lëngun e limonit. E lëmë në zjarr të ulët për 5-10 minuta derisa frutat të zbuten dhe salca të trashet pak. Kur ëmbëlsira të jetë mpiksur e kthejmë me kujdes në një pjatë dhe hedhim sipër salcën e frutave. Mund ta zbukurojmë me gjethe menteje ose copa frutash të freskëta sipas dëshirës.

MC/Shqiptarja.com

TAG: