Paratë e ish-gjyqtarit Shkëlqim Miri, i arrestuar dhe dënuar me 2.6 vite burg për korrupsion, kanë kaluar në arkën e shtetit. Krahas procesit penal, SPAK kërkoi edhe konfiskimin e parave të ish-gjyqtarit, që iu gjetën gjatë kontrollit në banesë, duke zbatuar ligjin anti-mafia. Kanë kaluar në llogari të shtetit 175 mijë euro dhe rreth 94 mijë USD para që iu bllokuan gjyqtarit. Lëvizja ka ardhur pas vendimit të formës së prerë të Gjykatës Speciale të Apelit. Vendimi është zbatuar nga Agjencia e Administrimit të Pasurive të Sekuestruara dhe Konfiskuara pranë Ministrisë së Financave.
Shkëlqim Miri u arrestua në nëntor 2017 dhe u dënuan në vitin 2018, pasi u akuzua se kishe marrë 30 mijë euro për të liruar nga burgu të dënuarin për vrasje të dyfishtë, Gentjan Doda. Kushëriri i tij, Kujtim Miri, i cili u akuzua si sekser që i dha paratë Shkëlqim Mirit, u dënua me një vit e 8 muaj heqje lirie.
Gentian Doda ishte dënuar në mungesë me 20 vjet burg për dy vrasje në Burrel në vitin 1997. Doda vrau Gazmir Deden dhe Asllan Gjokën. Doda dhe Dedja kanë qenë pjesë e grupeve rivale në Burrel në vitin 1997 dhe kanë pasur përplasje. Këto përplasje kanë prodhuar 16 viktima mes fiseve. Gentian Doda dhe Gazmir Dedja janë konfliktuar fillimisht verbalisht. Më pas Gentian Doda ka qëlluar me armë zjarri Gazmir Deden duke e plagosur rëndë, ku më pas ka ndërruar jetë. Plumbat kanë kapur aksidentalisht edhe Asllan Gjokën, i cili ka humbur jetën.
Gazmir Dedja është vëllai i Halit Dedes, i njohur si i ‘forti’ i Burrelit, i vrarë në mënyrë mafioze në Tiranë në vitin 2010. Kjo vrasje e bujshme është arkivuar pa autor të identifikuar.
Ndërkaq, pas krimit në vitin 1997, Gentian Doda është larguar jashtë Shqipërisë. Ai është arrestuar në vitin 2012 në Shtetet e Bashkuara të Amerikës në zbatim të urdhër-arrestit ndërkombëtar të lëshuar nga autoritetet shqiptare. Pas ekstradimit, Doda kërkoi rivendosjen në afat dhe rishikim të dënimit të dhënë më parë ndaj tij për këtë vepër penale.
Edhe pse kishte vrarë dy persona, Gentian Doda u dënua me vetëm 8 vite nga Gjykata e Matit.
Pas pesë vitesh ai fitoi lirinë, duke u larguar në Angli. Pikërisht për të lënë në fuqi vendimin e Gjykatës së Matit, Doda ka paguar 30 mijë euro tek gjyqtari Shkëlqim Miri në Apel. Gentian Doda u arrestua në Londër në 6 maj të vitit 2019. Dy muaj më pas, Gentian Doda është ekstraduar në Shqipëri, ku tashmë akuzohet edhe për korrupsion.
Komente
Lajme të tjera
-
E pazakontë/ Ish-gjyqtari i dënuar për lirimin vrasësit Gentjan Doda për 30 mijë € rikthehet në Vetting, paratë ia ka konfiskuar SPAK dhe i ka kaluar në arkën e shtetit
12 Tetor 2021, 15:55
-
Dritan Gina thirret për herë të tretë në Veting, nesër pritet shkarkimi i prokurorit Sali Hasa, KPA merr në dorë dosjen e Shkëlqim Mirit i dënuar për korrupsion
2 Shtator 2021, 17:12
-
Lironte të dënuarit me burgim të përjetshëm, shkarkohet gjyqtarja Enkelejda Hoxha
17 Mars 2021, 10:22 -
Emrat/ Trafikim i narkotikëve, kush janë dy të dënuarit që duhet të justifikojnë pasuritë te OFL
18 Nëntor 2020, 10:45 -
I mori 30 mijë € vrasësit, KLGJ shkarkon gjyqtarin Shkëlqim Miri, i dënuar për korrupsion
27 Tetor 2020, 16:57 -
U dënua për 30 mijë euro korrupsion, gjyqtari Shkëlqim Miri dha dorëheqjen nga drejtësia, por ILD kërkon në KLGJ shkarkimin e tij: Cenoi besimin e publikut
20 Tetor 2020, 16:18 -
SPAK kërkon konfiskimin e pasurisë së gjyqtarit Shkëlqim Miri
23 Qershor 2020, 14:58
Parodi drejtësi në Shqipëri, 30.000 € i kalojn shtetit kurse 3.4 mil € i kalojn kujt përveq pushtetitit të korruptuar…mjerim
PërgjigjuLexo mire, dhe jo vetem titujt: “ Kanë kaluar në llogari të shtetit 175 mijë euro dhe rreth 94 mijë USD para që iu bllokuan gjyqtarit.”
Sa mire Kjo esht fitore per Shtetin dhe Popullin Ishalla sekuestrojn dhe ato 5Miliard Eurot qe kan gllaberuar nga Ekzekutivi deri deri te me i fundit qe ka mar 1lek rryshfet 1991-2021 Zoti i shef te gjithe!
Përgjigju