POP 5

Lajmet më të lexuara të 5 minutave të fundit

Politikë

Paratë, krijohet superbordi, do
kontrollojë dhe Bankën qendore

Mazhoranca e re po bëhet gati të konstituojë një Autoritet Qendror Financiar. Fjala është për të krijuar një Super-Bord Mbikëqyrës, autoriteti më i lartë i kontrollit financiar në vend.
Ambasadori holandez: Qeveri premtuese, jam i surprizuar
Paratë, krijohet superbordi, do<br />kontrollojë dhe Bankën qendore
TIRANE - Mazhoranca e re po bëhet gati të konstituojë një Autoritet Qendror Financiar. Sipas burimeve nga Partia Socialiste, në përputhje me programin e “Rilindjes”, ku janë parashikuar një serë ndryshimesh në kontrollin e sektorit financiar të vendit, reforma në këtë fushë mendohet të kryhet duke prekur një numër ligjesh ekzistuese. Fjala është për të krijuar një Super-Bord Mbikëqyrës, autoriteti më i lartë i kontrollit financiar në vend, i cili do të ketë të drejtë vetoje mbi të gjitha bordet e tjera në këtë fushë shumë të rëndësishme të ekonomisë së vendit.

Risia kryesore në këtë mes është fakti se Autoriteti Qendror Financiar – emërtimi ende mbetet për t’u përcaktuar – do të kishte kompetenca mbikëqyrjeje edhe mbi autoritete aktuale mbikëqyrëse, duke nisur nga ai i Bankës qendrore. Ai do të kontrollonte kështu këshillat mbikëqyrëse të Bankës së Shqipërisë, Autoritetit Mbikëqyrës Financiar (AMF) dhe të ASD (Agjencisë së Sigurimit të Depozitave).

Një gjë e tillë nënkupton edhe ristrukturimin e këtyre autoriteteve, përbërja e të cilëve, pas amendimeve në ligjet përkatës, do të rishikohej nga e para. Për një gjë të tillë, në Kuvend do të kërkoheshin të paktën 84 vota.

Kjo lëvizje do të kërkonte, para së gjithash, edhe prekjen e ligjit për Bankën e Shqipërisë.

Nga ana tjetër, reforma në fjalë, sipas burimeve nga PS, do të kërkonte ndryshime edhe të politikave të secilit institucion të sipërpërmendur.

Ende është shpejt për të mësuar emrin e drejtuesit të këtij institucioni, që do të kalonte në Kuvend për miratim, pasi fjala është për një institucion kushtetues. Por ideja është për të caktuar në drejtimin e tij një personazh me përvojë të gjatë nga bota akademike apo shoqëria civile, pa lidhje direkte me partitë ose subjekte të afërta me to.   

Një Autoritet i tillë do të kishte mundësi reale që, në bashkëpunim me Byronë e planifikuar Kombëtare të Hetimit, të organizonte një luftë të suksesshme kundër krimit të organizuar në sektorin ekonomiko-financiar.

Ndërkohë, Këshilli Ekonomik Kombëtar, që deri pak më parë ishte thjesht një organ i Partisë Socialiste, mendohet të implementohet edhe jashtë saj, tani që koalicioni i majtë mori pushtetin shtetëror. Ky do të jetë një organ konsultativ i qeverisë së re, ku do të realizohet një bashkëbisedim për të gjitha politikat, reformat, projektligjet, paketat fiskale, me biznesin dhe shoqërinë civile, para paraqitjes së tyre në Kuvend, për të marrë formën e detyrueshme ligjore.

Këshill Ekonomik Kombëtar do të funksionojë si një strukturë permanente, e cila do të ndjekë vijimësisht të gjitha çështjet që lidhen me gjendjen e ekonomisë së vendit dhe me politikat fiskale të qeverisë. Sikurse deklaroi vetë kreu i zgjedhur i qeverisë së re Edi Rama në takim me bankierët, pak ditë më parë, kjo do të ishte “një strukturë e ndërmjetme mes qeverisë dhe botës së sipërmarrjes”, ku përfaqësia e bankierëve do të ishte e domosdoshme.
 
DREJTUESI

Lidhur me emrin e drejtuesit të Autoritetit Qendror Financiar, ideja është për të caktuar një personazh me përvojë të gjatë nga bota akademike apo shoqëria civile, pa lidhje direkte me partitë ose subjekte të afërta me to.

Ky shkrim u botua sot në Shqiptarja.com, versioni print, dt.04.08.2013
Redaksia online
(ar.sh/shqiptarja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça