Shqiptarët me mendje nga Parisi. Këtë të enjte në Lojërat Olimpike është radha e Zelimkhan Abakarov, mundësit rus të natyralizuar si shqiptar. 31-vjeçari që në 2022 u shpall kampion bote në mundje për peshën e tij, do të vendoset përballë Iuna Fafe Diamantino, rivalit nga Guinea-Bissau. Dueli merr jetë mes orës 11:00 dhe 13:30. Abakarov garon në stilin e lirë të mundjes, në peshën deri në 57 kilogramë.
Në ndeshjen e gjashtë të baterisë A, Zelimhkan kërkon të kalojë rivalin e fazës së 1/8 për të shpresuar çerekfinalen. Pasi sportistët e tjerë kuqezi dështuan në "Paris 2024", tanimë është radha e mundjes që të bëjë detyrën e vet.
Veç Abakarov që kërkon sot t'i japë Shqipërisë medaljen historike në Lojërat Olimpike, në ditët në vijim në tapet do dalin edhe mundësit e tjerë rus të natyralizuar si shqiptarë, Islam Dudaev dhe Chermen Valiev.
![](https://shqiptarja.com/template/img/NO_ALFA_Kuadrate shqiptarja.png)
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)