Paris 2024/ Shpërthen viroza, dy gara olimpike në rrezik

Dy ngjarje olimpike mund të jenë në dyshim pasi shumë atletë u sëmurën brenda disa ditësh. Notarët e triatlonit në 'Paris 2024' janë futur në lumin Senë, te i cili më parë ishte ndaluar noti për mbi 100 vjet. Por organizatorët autorizuan një pastrim historik të lumit përpara se të fillonin Lojërat Olimpike dhe u njoftua në korrik se kishte kaluar testet përkatëse për të lejuar përdorimin e tij.

Pas garave individuale të meshkujve dhe femrave të mërkurën, një numër atletësh u ankuan për cilësinë e ujit gjatë notit. Atletja belge Jolien Vermeylen tha për VTW se ajo “ndjeu dhe pa gjëra për të cilat nuk duhet të mendojmë shumë” ndërsa notonte në Senë.

Belgjika më pas u detyrua të tërhiqej nga gara e përzier në triatlon pasi shoqja e skuadrës së Vermeylen, Claire Michels u sëmur. Fillimisht u raportua se ajo ishte shtruar në spital nga një infeksion E. Coli, por vetë Michels ka konfirmuar se në fakt nuk ishte kështu dhe se një virus i shkaktoi sëmundjen e saj.

Sipas Associated Press, një atlete femër që nuk ka dashur të identifikohet nga Suedia dhe një atlet për meshkuj nga Norvegjia u sëmurën pasi konkurruan në gara individuale në Senë javën e kaluar.

Një atlet zviceran u sëmur rëndë pas triatlonit për meshkuj, ndërsa një tjetër atlet u prek gjithashtu nga një sëmundje gastrointestinale dhe e detyroi Zvicrën të ndryshonte formacionin e saj të stafetës së përzier.

Ende nuk është konfirmuar nëse ndonjë nga sëmundjet ishte si rezultat i cilësisë së ujit të Senë.

S.DH/Shqiptarja.com

TAG:
• Lojërat Olimpike
• paris 2024