Parlamenti Europian: Rusia shfrytëzon Serbinë për ndërhyrje në Ballkanin Perëndimor

Komiteti i Posaçëm për Ndërhyrjet e Huaja i Parlamentit Evropian ngre shqetësimin se Rusia po shfrytëzon ndikimin e saj në Serbi për të ndërhyrë në shtetet fqinje në Ballkanin Perëndimor.

Sipas një raporti të miratuar të mërkurën në PE nga 27 përfaqësues të vendeve të Evropës, ushtrohet në Bosnje nëpërmjet Republikës Serbe, në Mal të Zi duke shfrytëzuar ndjenjat pro serbe si dhe Kishën Ortodokse serbe dhe duke nxitur mosmarrëveshjet ekzistuese në veriun e Kosovës.

Në raport thuhet se mesazhi pro-rus përhapet përmes mediave në pronësi serbe dhe hungareze në Ballkanin Perëndimor, ndërsa shprehet shqetësimi me “gjetjet e fundit se Serbia është vendi më i cenueshëm ndaj ndikimit të huaj negativ në Ballkanin Perëndimor, veçanërisht nga Rusia dhe Kina.

“Dënojmë veçanërisht ashpër hapjen e një zyre të RT-së në Beograd dhe hapjen e shërbimit të saj të lajmeve në internet në serbisht, duke lejuar kështu këtë aktor malinj të përhapë dezinformatat e tij në të gjithë rajonin” thuhet në raport.

Serbia është vendi i vetëm evropian që nuk u është bashkuar sanksioneve perëndimore ndaj Moskës për shkak të agresionit të saj në Ukrainë.

B.V/KT/Shqiptarja.com

TAG:
• serbi
• Rusi
• parlamenti europian