TIRANË- Akt ekspertiza kontabël që kishin porositur vetë nuk i ndihmoi Sali Berishën dhe dhëndrin e tij Jamarbër Malltezi. Ata do të mbeten sërish në arrest shtëpie për aferën e ish kompleksit ‘Partizani’. GJKKO rrëzoi kërkesat e ish Kryeministrit dhe Malltezit për revokim të masës së sigurisë. Në dalje të gjykatës foli avokati i familjes Gjokutaj që e cilësoi komisariat politik drejtësinë e re.
Në deklaratën për gazetarët, avokati akuzoi GJKKO-në nuk ka asnjë provë që e lidh Berishën me akuzat ndaj tij për aferën e privatizimit të ish-kompleksit 'Partizani'.
“Vendimi i sotëm ka qenë në kundërshtim me ligjin haptas. Sot ishte seanca kur prokurorët duhej të shpjegonin ku qëndron korrupsioni i Berishës dhe ku lidhen personat që figurojnë materialin në gjykatë”- u shpreh Gjokutaj.
Avokatët mbrojtës sërish kërkuan përjashtimin e gjyqtares Irena Gjoka, pasi sipas tyre ka bërë shkelje të rëndë duke u dhënë mediave vendimin për Berishën për të mos marrë pjesë në Kuvend, para se me të të njihej mbrojtja.
Me të njëjtën gjuhë presioni dhe akuzash, foli disa orë para se seanca të niste në GJKKO, Argita Malltezi, vajza e personit nën hetim Berisha dhe bashkëshortja e të akuzuarit për pastrim parash Jamarbër Malltezi. Ajo doli me avokatët në një konferencë për gazetarët duke i cilësuar Gjykatën dhe Prokurorinë e Posaçme si të anshme dhe të përdorura politikisht.
Ish-kryeministri Sali Berisha i cili ndodhet në arrest shtëpie, akuzohet për korrupsion, vepër që parashikon një dënim nga 3 deri në 12 vite burg. Ai akuzohet se ka shfrytëzuar pushtetin e tij si kryeministër, për t’i dhënë një sipërfaqe të konsiderueshme toke dhëndrit të tij Jamarbër Malltezi, i cili e ktheu atë në një kompleks banimi me disa kulla, duke marrë më shumë se 5 milionë euro nga investimi në këtë truall.
Kurse dhëndrin e tij, Jamarbër Malltezi, që akuzohet se ka përfituar të ardhura në vlerën e 5.4 milionë eurove nga një biznes ndërtimi në mënyrë të parregullt falë vendimeve të qeverisë të marra nga vjehrri i tij u vu në pranga në datën 21 Tetor dhe më pas u la në arrest shtëpie.
Avokati i Sali Berishës, Genc Gjokutaj, ka akuzuar Gjykatën e Posaçme duke e konsideruar si “komisariat politik” pas rrëzimit të kërkesës së BerishëS dhe dhëndrit të tij Jamarbër Malltezi për heqjen e masës së arrestit të shtëpisë për aferën ‘Partizani’.
“Vendimi i sotëm ka qenë në kundërshtim me ligjin haptas. Sot ishte seanca kur prokurorët duhej të shpjegonin ku qëndron korrupsioni i Berishës dhe ku lidhen personat që figurojnë materialin në gjykatë.
Prokurori tha se nuk i jep shpjegime pyetjeve tona. Këta janë një komisariat politik të cilëve u kanë thënë mbajeni në këtë gjendje. Nuk e di sesi kjo gjykatë që ka dhënë masën e sigurisë për Berishën dhe Malltezin nuk u bëri asnjë pyetje prokurorëve. Absolutisht nuk është sqaruar asnjë element nga prokurorët”- tha Gjokutaj.
Pyetjes së gazetarëve se kur do të përfundojnë hetimet për aferën ‘Partizani’, Gjokutaj iu përgjigj duke thënë se këtë gjë e di vetëm Rama.
“Se kur do përfundojnë, nuk e dinë as vetë prokurorët sepse pritet fjala e Edi Ramës. Ai e përcakton fundin e hetimeve”- shtoi avokati.
Para se GJKKO të shqyrtojë kërkesën e Sali Berishës dhe dhëndrit të tij Jamarbër Malltezi të cilët kërkojnë lirinë nga arresti i shtëpisë masë e caktuar për aferën Partizani vajza e ish-kryeministrit, Argita Malltezi ka mbajtur një konferencë për media. Teksa foli në lidhje me hetimet e kryera mbi çështjen “Partizani”, ajo ka sulmuar drejtësinë.
“Çështja ndaj Sali Berishës dhe Jamarbër Malltezit filloi si diktat politik. Masa ka për qëllim goditjen e opozitës dhe për të nuk ka asnjë provë. Në burg sot duhet të ishte Taulant Balla i cili bëri kallëzim të rremë” – tha Argita Berisha për mediat.
Lajme të tjera
-
Jakin Marena: Kujt i duhej ‘sakrifica’ e Gjekmarkajt në prag të Natës së Krishtit?!
24 Dhjetor, 21:06
-
Akuzat e opozitës për mbylljen e TikTok! Rama fiton garën me fansat, 2 milionë pëlqime! Berishën e mund edhe Arlind Qori
24 Dhjetor, 19:58
-
Protesta e PD/ Ngjela për Report Tv: Kur nuk ke mbështetje, krijon akte dhune! Berisha duhet të ikë
24 Dhjetor, 19:11 -
Protesta e PD/ Kulluri: Pjesëmarrja për turp! Elezi: Pse nuk bllokojnë godinën e ‘narko shtetit’, po u nxijnë jetën qytetarëve?
24 Dhjetor, 18:50 -
Ylli Pata: Logjika politike e guerriles së senatorëve të Sali Berishës
24 Dhjetor, 18:33
-
Rrëzohen të vegjlit për Kodin Zgjedhor, Elezi: Akt tradhtie, Berisha shiti zgjedhjet! Kulluri: Shqiptarët do zgjedhin rreth 20 deputetë
24 Dhjetor, 18:03 -
Afera Partizani/ Ankimoi masën arrest në shtëpi, Kushtetuesja shtyn për vitin e ardhshëm shqyrtimin e kërkesës së Berishës
24 Dhjetor, 16:31 -
Protesta e PD-së, Martin Leka në Report Tv: Po kthehet në rutinë, Berisha nuk ka njerëz! Përdor propagandë për të karikuar simpatizantët! Më shumë kishte policë
24 Dhjetor, 13:56 -
Televizioni i Berishës si 'Zëri i Popullit' me Enver Hoxhën, i mat kilometrat kreut të PD-së: ''Berisha shfaqet super energjik''
24 Dhjetor, 13:37 -
Mero Baze: Një hakmarrje ndaj qytetarëve që e kanë braktisur
24 Dhjetor, 07:02
-
Ironia e Spahiut: A do vazhdojë protesta nesër, apo deputetët do ikin me pushime?
23 Dhjetor, 21:23 -
Policia përgënjeshtron Berishën: Gjekmarkaj s’u dhunua, u ndje keq dhe iku! Keqardhje për Nokën, goditi efektivët! Janë evidentuar shkelësit, do procedohen
23 Dhjetor, 20:14
