Pas 2 vitesh pandemi, nxënësit i kthehen normalitetit! Nga sot, mësim me orë 45 minutëshe dhe hiqen turnet në shkollat që u vendos prej masave COVID

Pas 2 viteve pandemi dhe nën pushtetin e protokolleve të mbrojtjes nga COVID, mësimdhënia në arsimin e detyrueshëm i kthehet normalitetit. Nga sot, nxënësit do të zhvillojnë mësim pa turne dhe me orë të plota, 45 minutëshe.

Vendimi u mor nga Komiteti Teknik i Ekspertëve dhe u bë publik nga ministrja Evis Kushi pak ditë më parë, pasi u analizua situata e vaksinimit të mësuesve dhe pedagogëve.

Kujtojmë që në javën e parë të mësimit me turne dhe orë mësimi 25 minuta, u bë prezent revolta e prindërve që kundërshtuan këtë sistemi mësimdhënie. Prindërit argumentuan se orët e reduktuara kanë ndikuar negativisht në formimin e nxënësve dhe nisën firmosjen e peticioneve kundër. Vetëm në 3 ditë nga kjo nismë ndryshoi edhe vendimin për mësimin në shkollat publike.

Duhet theksuar se pavarësisht kthimit me kohëzgjatje normale në banka, masat anti-COVID duhet të zbatohen normalisht.

Vaksinimi për mësuesit është i detyruar, ndërsa Ministrja Kushi ka bërë me dije se deri më tani janë vaksinuar mbi 88% të mësuesve, ndërkohë që procesi po vijon. Për të gjithë ata mësues që do të refuzojnë vaksinimin, alternativa tjetër është që të paraqesin një test COVID çdo javë, për të vërtetuar se nuk janë infektuar.

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Zgjedhja e kryetarit në Himarë, nis me tensione mbledhja e Këshillit Bashkiak në Vlorë! Banorët thirrje greqisht kundër Tavos dhe Klosit

Zgjedhja e kryetarit në Himarë, nis me tensione mbledhja e Këshillit Bashkiak në Vlorë! Banorët thirrje greqisht kundër Tavos dhe Klosit