POP 5

Lajmet më të lexuara të 5 minutave të fundit

Sociale

Pas 2 viteve mësim, mbyllet shkolla në Torovicë, banorët: Vështirësitë ekonomike po na detyrojnë të largohemi (VIDEO)

Vetëm dy vite pas hapjes së dyerve për nxënësit, mbyllet shkolla e mesme në Torovicë të Lezhës. Kjo për shkak se shumë familje janë larguar nga fshati për të emigruar larg vendeve të BE. Banorët e fshatit thonë se ky largim vjen nga vështirësitë ekonomike, ndërsa drejtori i shkollës 9 vjeçare  thotë se nxënësit arsimin e mesëm do detyrohen ta ndjekin në Balldre.

Shkolla e mesme në Torovicë të Lezhës nuk i ka hapur dyert për nxënësit këtë vit shkollor. Shkak për mbylljen e shkollës është bërë rënia e numrit të nxënësve, pasi shumë familje e kanë braktisur këtë zonë të varfër.

Drejtori i shkollës 9-vjeçare në Torovicës Kujtim Kolndreu thotë se të rinjtë e kësaj zone do ta ndjekin shkollën e mesme në Balldre, ndërsa në funksion të tyre është vënë edhe një mjet transporti.

"Si rezultat i rënises se numërit të nxënësve është mbyll. Vitin e kaluar kemi shumë nxënës kanë emigru drejt  Francës apo vendeve të tjera. Edhe popullsia e zonës e cila nuk mundet me përballu mënyrën e jetesës kanë lëviz drejt qyteteve të tjera dhe numri i nxënësve ka rënë. Në bazë të udhëzimeve një klasë për të funksionuar në zonat ruale duhet të ketë të paktëm 15 nxënës e sipër. Kështu që shkolla është mbyll. Nuk funksionon më si shkollë e mesme. Nxënësit janë transport të gjithë tek shkolla e mesme në Balldre." ka deklaruar Kujtim Kolndreu, drejtori i shkollës së Torovicës.

Torovica ka nisur të brakiset masivisht gjatë viteve të fundit dhe këtë e dëshmojnë dhe banesat të cilat janë vënë në shitje. Banoret thonë se veshtirësitë ekonomike po detyrojnë shumë familje që të largohen drejt vendeve të Bashkimit Evropian.

"Kanë vazhduar të ikin jashtë mase. Vetëm për kushte ekonomike. Rruga ka qenë e dobët. Përmbytjet kanë qenë në mënyrë të vazhdueshme dhe kështu janë largu njerëzit. Shkolla e mesme pati ndikuar për mirë kur u hap.  Janë larguar nga kushtet  ekonomike. Nuk kanë mundësi me përpallu jetesën. Të ardhura nuk ka. " ka thënë një banor i Torovicës.

Mbyllja e shkollës së mesme dy vite pas hapjes së sajë ka vrarë sërish shpresën e banoreve të kësaj zonë të cilët shohin si mundësi të vetme largimin nga Torovica. 

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

MPJD i kundërpërgjigjet Beogradit, ia refuzon kërkesën për vizitë një ministri serb

MPJD i kundërpërgjigjet Beogradit, ia refuzon kërkesën për vizitë një ministri serb

25 Dhjetor, 20:12