Sot prokuroria e Tiranës njoftoi një procedim penal që në Shqipëri nuk ka precedentë: Një botuese, pronare e të famshmit Libri Universitar “Book Store”, u inkriminua me akuzën e piraterisë së disa veprave të shkrimtarit Ismail Kadare. Prokurori i çështjes, Bledar Valikaj ka kërkuar në gjykatë caktimin e masës se sigurisë detyrim paraqitje dhe ndaj saj është ngritur akuza për “Shkeljen e të drejtave të pronësisë intelektuale” dhe “Fshehja e të ardhurave”.
Praktikisht, pa pasur të drejtën, kjo botuese ka stampuar dhe vënë në shitje veprat e shkrimtarit të njohur, i cili ia kishte besuar të drejtat e tij ekskluzive një shtëpie tjetër botuese. Hetimi është i paprecedentë pasi në Shqipëri, ku çdo ditë flitet për raste të mëdha korrupsioni dhe për një kriminalitet të organizuar të fuqishëm, më në fund një prokuror merret edhe me grabitësit e veprave intelektuale. Të piratosh një libër (pra pa i kaluar autorit dhe shtëpisë botuese të ardhurat përkatëse) është e rëndë njësoj si të vjedhësh.
Deri më tani e vetmja pirateri me të cilën janë marrë institucionet shtetërore është ajo e futbollit, pasi prek interesat e botuesve që kanë blerë të drejtat e transmetimit. Dhe sigurisht, kundër kësaj piraterie është e drejtë dhe e detyrueshme të veprohet. Tani po nis lufta ndaj piratëve të librave.
Problemi qëndron se përditë botues të TV dhe veçanërisht të mediave serioze dhe profesionale online, janë viktima të një tjetër piraterie të egër: Ajo e lajmeve. Lajme të tëra, të plota nga një media që ka paguar gazetarët e saj për t’i shkruar, kopjohen dhe ripublikohen gratis nga një ushtri piratësh online që vetëm vjedhin punën e kolegëve të tyre. Këto shkrime sigurisht që nuk janë veprat e çmuara të Ismail Kadaresë, por ama kemi të bëjmë edhe këtu me një vjedhje që mbi të gjitha meriton të njëjtën vëmendje dhe mbrojtje nga ligji.
Një krim nuk është më i rëndë krahasuar me vlerën e objektit të vjedhur, por nga veprimi i grabitjes. Shpresojmë që hetimi i nisur nga prokuroria e Tiranës kundër piratëve të veprës së Kadaresë të hapë një epokë të re dhe që më në fund Shteti dhe institucionet e tij të shqetësohen të mbrojnë edhe të drejtat e botuesve të ndershëm që u paguajnë gazetarëve rroga transparente (pa fshehur një pjesë nëpër zarfe) për të gjetur lajme ekskluzive dhe që si të tilla meritojnë të mbrohen. Ndërsa sot vidhen nën indiferencën e të gjithëve.
Komente
Lajme të tjera
-
Fier/ Ofronin viza elektronike të falsifikuara për të huajt kundrejt pagesës, procedohen penalisht 3 persona
6 Nëntor, 12:24 -
Falsifikoi 5 vepra të Ismail Kadaresë dhe i shiste si kopje orgjinale, detyrim paraqitje për pronaren e 'Librit Universitar' në Tiranë
21 Maj, 11:26
-
A u dekonspirua operacioni? Prokuroria e do pas hekurave, ish-juristi i Kadastrës së Durrësit, Bledi Zerba nuk gjendet në banesë
9 Prill, 15:03
-
Kosovë, sekuestrohen 5 mijë copë monedha false 2 euroshe, gati për tu shitur! Vlera e tyre 10 mijë
16 Mars, 11:35 -
Itali/ Falsifikonin kartat e kreditit të klientëve të hotelit, sekuestrohen pasuritë 1 mln euro të familjes shqiptare
14 Nëntor 2023, 10:48 -
Operacion i Europol kundër veshjeve të falsifikuara në vendet e BE, 378 persona të arrestuar! Mallrat vinin nga Kina, Turqia dhe Vietnami
6 Qershor 2023, 15:12 -
Të përftuara nga veprimtaritë kriminale, konfiskohen 4 apartamente me vlerë 300 mijë euro të një çifti në Elbasan
19 Janar 2023, 12:28 -
Europol operacion në 27 vende, përfshi edhe Shqipërinë! Mbyll mbi 12 mijë e 500 faqe në internet që shisnin produkte false dhe përmbajtje pirate
29 Nëntor 2022, 10:55 -
Arrestohet 69-vjeçari në Sarandë, falsifikoi dokumentet e pronës në Ksamil, sekuestrohen 4950 metra katrorë tokë truall (EMRI)
22 Shtator 2022, 10:39 -
Durrës/ Tentoi të kalonte kufirin me pasaportë të falsifikuar, arrestohet shqiptari i Kosovës
2 Gusht 2022, 10:50 -
Falsifikonin biletat e linjës së autobusëve Tiranë-Krrabë, arrestohet faturino, në kërkim administratori i linjës dhe një tjetër
11 Mars 2022, 08:47 -
Falsifikohen certifikatat e vaksinimit në Gjermani, ‘alarmohen’ autoritetet
14 Maj 2021, 08:04
