POP 5

Lajmet më të lexuara të 5 minutave të fundit

Kronikë

Falsifikoi 5 vepra të Ismail Kadaresë dhe i shiste si kopje orgjinale, detyrim paraqitje për pronaren e 'Librit Universitar' në Tiranë

Një hetim i nisur në muajin Prill 2024 në prokurorinë e Tiranës, ka zbuluar një rast të paprecedentë të falsifikimit të librave të shkrimtarit më të njohur shqiptar, Ismail Kadare. Në hetim për falsifikim është vënë pronarja e Librit Universitar 'Book Store', Mirela Bardhi, e cila ka falsifikuar 5 vepra letrare të shkrimtarit të njohur

Një hetim i nisur në muajin Prill 2024 në prokurorinë e Tiranës, ka zbuluar një rast të paprecedentë të falsifikimit të librave të shkrimtarit më të njohur shqiptar, Ismail Kadare. Në hetim për falsifikim është vënë pronarja e Librit Universitar 'Book Store', Mirela Bardhi, e cila ka falsifikuar 5 vepra letrare të shkrimtarit të njohur.

Prokurori i çështjes Bledaj Valikaj ka kërkuar ne gjykate caktimin e masës se sigurisë detyrim paraqitje dhe ndaj saj është ngritur akuza  për “Shkeljen e të drejtave të pronësisë intelektuale” dhe “Fshehja e të ardhurave

Ngjarja u zbulua falë veprimeve stimuluese, pas një shtetase, Enxhi Hudhri, u paraqit në 10 Prill 2024 në librarinë në fjalë dhe ka bërë blerje të 2 librave me autor Ismail Kadarenë, përkatësisht librat me titull “Gjenerali i ushtrisë së vdekur” dhe “Pallati i ëndrrave”, botime këto që nuk janë prodhuar nga shtëpia botuese “Onufri”, por kopje të pa autorizuara. Enxhi Hudhri shprehet se ajo punon si dizajnuese në shtëpinë botuese "Onufri", e cila njëkohësisht kjo shtëpi është dhe në pronësinë e babait të saj, Bujar Hudhri. Dyshimet nisën pasi në një nga libraritë e quajtur “Libri Universitar Book Store”, nga raportimi që ka bërë te “Onufri”, rezulton se për periudhën kohore nga 1 gusht 2023 deri më 1 janar 2024 nuk ishte shitur asnjë kopje e autorit Ismail Kadare dhe kjo e ka bërë të dyshoj se mund të jenë futur botime të kopjuara dhe të pa autorizuara nga ana e tyre si shtëpi botuese.

Për këtë arsye Hudhri, në 9 Prill ka blerë në këtë librari 3 libra te tjera me autor Isamil Kadaren, përkatësisht librat me titull “Prilli i thyer”, “Kush e solli Doruntinën” dhe “Kronikë në gur”, botime këto që nuk janë të shtëpisë se tyre botuese dhe janë kopje e pa autorizuar nga ana e tyre.

‘Në lidhje më këto blerje Enxhi ka marrë kupon tatimor duke iu afruar si libra të rregull dhe të ligjshëm. Për këtë shqetësim ajo veç kopjeve të botuara në cilësinë e provës materiale ka dërguar në prokurori edhe kopjet origjinale të botuara nga shtëpia e tyre botuese ‘Onufri’ për tu bërë krahasimi i librave në fjalë dhe vërtetimi i botimeve kopje dhe botimeve orgjinale, janë tek kopertina e librave dhe ngjyrat e saj ku ndryshojnë.’- thuhet në dosjen e prokurorisë.

Nisur nga kjo situatë dhe pas hetimeve të kryera për një periudhë dy mujore, prokuroria e Tiranës ka kërkuar gjykatë caktimin e masës së “detyrimit për tu paraqitur” në prokuror ndaj Mirela Bardhit, pronares së Librit “Universitar Book Store” që ndodhet në zonën e ish-Bllokut në Tiranë. Kërkesa e prokurorisë për Mirela Bardhin është pranuar nga gjykata të hënën e 20 majit.

M.Q./S.Ç/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • lushnja: 21/05/2024 20:32

    O Vlora, 20 vjet burg nuk po bejne kriminelet qe vrasin e presin do beka kjo gruaja e shkrete se paska shitur ca libra

    Përgjigju
    • Or tej: 22/05/2024 06:51

      Ke te drejte 100% or teeeejjjjj

  • Vlora: 21/05/2024 15:02

    Eh sikur te kishim shtet ,po cte bejm qe skemi..te pakten 20 vjet burg per pronaren rrugace..

    Përgjigju
  • Liku: 21/05/2024 14:35

    E paska bere boze, spaska shitur asnje liber origjinal, e te kujt, te Kadarese.

    Përgjigju
  • Luli: 21/05/2024 12:27

    As mua nuk me kane dhene leket e librave qe kane shitur. Kokrrat e matrapazeve.

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça