Pas ‘luftës’ me flakët Greqia nën ‘pushtetin e ujit’ përmbyten 200 shtëpi , banorët e Evias: Në verë u dogjëm, tani do të mbytemi?

GREQI-  Pas një vere të gjatë në “luftë” me vatrat e zjarrit në tokën helene, banorët e Evias janë “goditur” nga një stuhi me pasoja shkatërrimtare. 
Nën pushtetin e ujit nuk janë vetëm rrugët e zhytura në baltë por edhe më shumë se 200 shtëpi, që tashmë janë bërë të pabanuara. 
Banorët e zonës teksa po përjetonin orë makthi mbrëmjen e djeshme, duke folur për mediat lokale kanë treguar se zona është lënë në mëshirë të fatit dhe autoritet nuk janë kujdesur siç duhet. 

"Në verë ne u dogjën. A do të mbytemi tani?”, u shpreh një nga banorët shtëpinë e të cilit e përpiu uji. 

Sipas kryetarit të bashkisë së Mantoudi, George Tsapourniotis, qindra shtëpi janë përmbytur, ndërsa gjatë gjithë natës ekipet e shpëtimit transportuan të moshuarit në vende të sigurta. 
Aktualisht situata sa i perkët pasojave të rëndë të shiut është në kontroll por shqetësime serioze janë ngritur për të ardhmen. 

Lajmi kryesor:

Greqia nuk gjen qetësi, pas zjarreve të mëdha të verës të njëjtat zona përfshihen nga përmbytje dhe rrëshqitje dheu masive

J.GJ./Shqiptarja.com

TAG:
• greqi
• permbytje
• moti i keq