POP 5

Lajmet më të lexuara të 5 minutave të fundit

Bota

Pas pesë muajsh tensione, zgjidhet presidenti i ri i Katalonjës

Politikani pro-pavarësisë së Katalonjës, Quim Torra është zgjedhur president i këtij rajoni të Spanjës, pas pesë muajsh bllokade politike.
Pas pesë muajsh tensione, zgjidhet presidenti i ri i Katalonjës

Politikani pro-pavarësisë së Katalonjës, Quim Torra është zgjedhur president i këtij rajoni të Spanjës, pas pesë muajsh bllokade politike.

Torra, që është pëkrahur që të marrë këtë pozitë nga ish-lideri katalan, Carles Puigdemont, ka fituar shumicë të thjeshtë në Parlamentin prej 135 ulësesh. Ai u zgjodh vetëm gjatë raundit të dytë të votimeve.

“Ne do të jemi besnik ndaj mandatit të referendumit tonë për vetëvendosje të 1 tetorit: do të ndërtojmë njs shtet sovran në formën e një republike”, tha Torra pasi u zgjodh në postin e presidentit.

Torra gjithashtu pati një ton pajtues kundrejt Qeverisë qendrore në Madrid.

“Ne nuk duam një Katalonjë uniforme, por një Katalonjë të bashkuar dhe me diversitet”, tha ai.

Si president, Torra tha se do të punojë për një “republikë për të gjithë, ku të gjithë qytetarët e saj do të gëzojnë të drejtat e tyre”.

Zgjedhje e Torras i jep fund paralizës politike në këtë rajon që vazhdoi në Katalonjë pas zgjedhjeve rajonale të 21 dhjetorit, ku shumica e re parlamentare është një koalicion pro-pavarësisë.

Javën e kaluar, përmes një videoje të postuar në rrjetet sociale, Puigdemont hoqi dorë nga kandidatura për president dhe sugjeroi se këtë post duhet ta marrë Torra.

Puigdemont ishte president i rajonit të Katalonjës në tetor, kur ky rajon mbajti referendumin për pavarësi nga Spanja, të cilin, Gjykata Supreme spanjolle e shpalli të paligjshëm.

Qeveria qendrore në Madrid më pas shpërndau parlamentin rajonal në Katalonjë dhe akuzoi Puigdemontin dhe disa deputetë për rebelim. Ai u largua nga vendi, pak kohë pas shpërbërjes së Parlamentit.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Moti i Keq/ Në Mirditë bora bllokon rrugët e fshatrave të thella! Akset kombëtare të kalueshme por me zinxhirë! Në Durrës pezullohet lundrimi i trageteve

Moti i Keq/ Në Mirditë bora bllokon rrugët e fshatrave të thella! Akset kombëtare të kalueshme por me zinxhirë! Në Durrës pezullohet lundrimi i trageteve

12 Janar, 08:34