Myftar Lumneshi dhe Klevis Balliu bllokojnë derën e qendrës së votimit në Kamëz, intimidim dhe presion ndaj zgjedhësve (FOTO)

Sali Berisha dhe Ilir Meta duket se kanë angazhuar njerëzit më të besuar dhe krahun e forcës në Kamëz në mbështetje të kandidatit të tyre Arjan Hoxha. Siç edhe duket nga këto foto, Myftar Lumneshi dhe Klevis Balliu, i biri i botuesit Fahri Balliu, qëndrojnë në mënyrë të paligjshem në derën e qendrës së votimit, brenda ambinteve të Shkollës 'Ibrahim Rugova' në Kamëz. Madje dy të besuarit e Berishës, kanë bllokuar derën e qendrës së votimit.

Një prezencë e tillë, e ndaluar nga Kodi Zgjedhor, konsiderohet si formë presioni dhe intimidimi ndaj zgjedhësve për të votuar të lirë, por edhe ndaj anëtarëve të qendrës së votimit.

Myftar Lumneshi është në listën e të kallëzuarve në SPAK për implikim në vrasjen e katër vëllezërve të saj, Shkëlqim, Halil, Fatmir dhe Ylli Haklajt, ku si organizator është kallëzuar Sali Berisha.

Myftar Lumneshi rezulton se i ka blerë Shkëlzen Berishës një apartament dhe garazh tek ETC-ja në Tiranë për 600 mijë euro. Këtë pasuri, Shkëlzen Berisha e kishte blerë në vitin 2013 për 346 mijë euro. Ky transaksion tregon për lidhjet e afërta të Familjes Berisha për grupin që akuzohet nga Familja Haklaj për vrasjen e 4 vëllezërve si dhe për krime të tjera. Në janar të vitit 2022, deputeti demokrat Gazmend Bardhi tha se Myftar Lumneshi ishte një trafikant droge që po shoqëronte Berishën për të marrë me dhunë selinë e PD-së.

Lajmi kryesor:

PS denoncon: Këlliçi dhe Boçi thyen heshtjen zgjedhore, të gjobiten! Noka kërcënon anëtarët e komisionit dhe vëzhguesit në dy fshatra të Elbasanit

B.K./Shqiptarja.com

TAG:
• Elbasan
• Durres
• zgjedhjet vendore 2023
• PS
• damian gjiknuri
• edi rama
• flamur noka