POP 5

Lajmet më të lexuara të 5 minutave të fundit

Kultura

Pas pandemisë, “Jul Çezari”, shfaqja e parë që duartrokitet nga publiku në Teatrin e Arteve!

Pas mbylljes për shkak të Pandemisë COVID 19, Teatri Eksperimental është i pari institucion shtetëror, që rikthen shfaqjet teatrore.  Shfaqja “Jul Çezari” me regji të  Ivica Buljan përreth dy orë u prezantua në skenën e Teatrit Veror të Universitetit të Arteve.

Shfaqja “Jul Cezari” me regji të Ivica Buljan u prezantua në Teatrin Veror Të Universitetit të Arteve. Teatri Eksperimental, bëhet kështu i pari institucion shtetëror në kryeqytet, që riktheu artistët pranë spektatorit pas mbylljes katërmujore, për shkak të pandemisë Covid 19, duke ruajtur rregullat e distancimit.

Në qendër të shfaqjes janë Republikanët, të cilët të udhëhequr prej Brutit dhe Kasit, vrasin Jul Cezarin, diktatorin e Romës, që kishte mbledhur rreth vetes aq pushtet, sa rrezikonte që vendin ta kthente në monarki.

Ndonëse, me një shfaqje të ndërtuar mbi performancat e vet artistëve që krijojnë një spektakël, pa protagonist, skenografi apo elementë të tjerë klasikë artistët u folën spektatorëve me energjinë e tyre, duke e bërë kështu fabulën e veprës së shkruar në vitin 1599 nga Uilljam Shekspiri tejet emocionuese, teksa evidentonin gjatë vrasjes fizike të Cezarit apo edhe të instalimit të Republikës, luftën e vjetër sa vet bota, luftën për pushtet.

Regjisori kroat Ivica Buljan, i cili para një viti bashkëpunoi me Teatrin Eksperimental për këtë shfaqje,  nga “Nju Jork Times” është vlerësuar, si një ndër dhjetë regjisorët më të mirë të momentit. 

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu