POP 5

Lajmet më të lexuara të 5 minutave të fundit

Kosova & Rajoni

Pas protestave masive të studentëve, Vuçiç: Kërkesat e tyre janë plotësuar të gjitha! Negociatat për qeverinë e re nisin javën e ardhshme

Presidenti serb Vuciç thotë se ua ka plotësuar të gjitha kërkesat studentëve protestues që kanë nxitur një valë tubimesh masive në vend prej 5 muajsh. Ai thotë se do të presë partitë që numerikisht mund të formojnë një qeveri të re duke hedhur poshtë propozimin e opozitës parlamentare për një qeveri tranzicioni

Presidenti serb, Aleksander Vuçiç foli në një intervistë televizive për bllokadat e fakulteteve dhe protestat studentore e qytetare anembanë Serbisë, të cilat kanë zgjatur gati pesë muaj, për shkak, siç pohojnë studentët në bllokadë, mosplotësimit të kërkesave të tyre.

Vuçiç pretendon se autoritetet në Serbi i kanë përmbushur të gjitha kërkesat që kanë kërkuar studentët që kanë bojkotuar jetën universitare.

 “I ofrova dialog rektorit dhe rektoratit. Më kërkuan të dërgoja një letër, të cilën e bëra dhe pas 24 orësh, me urdhër të atyre lart që po krijojnë revolucion me ngjyrë, më thanë se nuk munden dhe se do të bisedojnë me dikë tjetër. I ftoj në një debat nëse janë plotësuar kërkesat, por ata nuk duan një të tillë”, thotë Vuçiç.

Vuçiç njofton se konsultimet për përbërjen e qeverisë së re do të fillojnë të hënën e ardhshme dhe shpjegon se kë do të mandatojë për formimin e qeverisë së re, limit kohor për formimin e të cilës është fundi I muajit prill, në të kundërt Serbia do të shkojë në zgjedhje të parakohshme.

"Do të shohim se çfarë do të thonë ata që kanë mazhorancën, a duan të formojnë qeveri apo duan të shkojnë në zgjedhje. Unë pres që të më thonë përfaqësuesit e mazhorancës, ata që kanë votat për të zgjedhur qeverinë e re, nëse duan atë qeveri apo duan që të mbarojë koha dhe të shkojnë në zgjedhje. Pra, janë dy opsione", shtoi ai.

Pasi protestat u masivizuan në të gjithë vendin, Kryeministri Milosh Vuçeviç dha dorëheqjen, çka detyron partinë e Vuçic të formojë një qeveri të re.

Vuçiç mesa duket nuk do ta dëgjojë këtë kërkesën e fundit të kundërshtarëve parlamentarë, pasi sic thotë duhet ta bindin se kanë votat e mjaftueshme për të formuar një qeveri. Opozita parlamentare serbe, propozoi javën e kaluar krijimin e një qeverie tranzicioni me mandat 9 mujor e cila do të përgatisë vendin për zgjedhje të besueshme.

Xh.K/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 30 Mars, 00:06

    Programi i PS, a ju duken të realizueshme objektivat ekonomikë?

Lajme të tjera



×

Lajmi i fundit

Spahiu: PD t’i thotë shqiptarëve pse refuzoi numërimin elektronik, por vendosi me komisionerë? Forcat e mëdha s'e shkrijnë dot SPAK-un

Spahiu: PD t’i thotë shqiptarëve pse refuzoi numërimin elektronik, por vendosi me komisionerë? Forcat e mëdha s'e shkrijnë dot SPAK-un

31 Mars, 22:55