TIRANE-"Bashkimi Europian duhet të hapë negociatat me Shqipërinë dhe Maqedoninë e Veriut në Tetor". Kështu u shpreh nga selia e qeverisë së Shqipërisë, Presidenti i Këshillit të Europës Donald Tusk. Pas takimit që zgjati rreth 50 minuta me kryeministrin, teksa i pranishëm ishte edhe ambasadori i BE-së në vendin tonë, Luigi Soreca, Tusk doli në një deklaratë për mediat me Edi Ramën.
Kreu i qeverisë shqiptare tha se i kishte akorduar 'Yllin e Mirënjohjes' në shenjë falenderimi për mbështetjen që i kishte dhënë Shqipërisë për procesin e integrimit. Ndërsa, Tusk në fjalën e tij, vlerësoi reformat e ndërmarra nga Shqipëria dhe kërkoi ruajtjen e tre 'fiksimeve' sikur i cilësoi ai, të cilat sipas tij, BE-ja nuk i shmang kurrë, ruajtjen e historikut solid në lidhje me luftën kundër korrupsionit, marrëdhëniet e fqinjësisë së mirë dhe pajtimin.
Por teksa në Maqedoninë e Veriut në 11:00 u takua me Presidentin dhe në 11:45 me kryeministrin Zoran Zaev pati edhe një konferencë, në Shqipëri nuk takoi asnjë përfaqësues tjetër politik përveç kryeministrit Rama, përfshirë edhe Presidentin Ilir Meta. Tusk është zyrtari i dytë ndërkombëtar, pas Zyrtarit të DASH, David Kostelancik, që gjatë vizitës në Shqipëri nuk takon presidentin e Republikës.
Kryeministri i Shqipërisë Edi Rama i ka akorduar medaljen 'Ylli i madh i Mirënjohjes' Presidentit te Këshillit të Europës Donald Tusk. Zyra e shtypit të Kryeministrisë ka publikuar pamjet e takimit që zgjati rreth 50 minuta, ku Rama i akordoi medaljen.
Presidenti i Këshillit të Europës Donald Tusk deklaroi sot nga Tirana se Shqipëria e meriton hapjen e negociatave të integrimit në Tetor. Ai vlerësoi reformat që ka ndërmarrë Shqipëria, por kërkoi që të vijojë ruajtja e historikut solid në lidhje me luftën kundër korrupsionit, marrëdhëniet e fqinjësisë së mirë dhe pajtimi.
"Më lejoni t’iu falenderoj Kryeministër, i dashur mik, i dashur Edi, për mirëseardhjen e ngrohtë. Gjithmonë kthehem në Shqipëri me kënaqësi. Me lejoni t’iu falënderoj gjithashtu, edhe për nderin e madh që më bëtë, duke më dhënë Medaljen e Mirënjohjes Publike. Sot, ju më thatë që unë e meritoj këtë medalje, jo vetëm personalisht, por edhe për procesin e integrimit europian të Shqipërisë, për mbështetjen e dhënë dhe jam shumë krenar ta marrë këtë yll të madh, këtë mirënjohje, por medalja më e madhe për mua do të ishte në fakt çelja e negociatave për Shqipërinë.
Kur kam qenë në Tiranë, prillin e shkuar, unë fola për ëndrrën që kam për vendin juaj dhe për të gjitha rajonin, për të ndjekur të njëjtin rrugëtim si vendi im, Polonia, drejt Bashkimit Europian. Sot, një vit më pas mund të them që në sajë të përpjekjeve tuaja, ne i jemi afruar këtij objektivi. Jemi më afër tij dhe askush nuk duhet të ketë as dyshimin më të vogël, as këtu në Tiranë e as në të gjitha kryeqytetet e Bashkimit Europian.
Në qershor, krerët e shteteve dhe qeverive të Bashkimit Europian u angazhuan për të dhënë një vendim të qartë dhe substantiv për çeljen ose jo të negociatave me ju dhe me fqinjën tuaj Maqedoninë e Veriut në tetor të këtij viti. Po i afrohemi gjithmonë dhe më shumë këtij momenti. Unë kam qenë gjithmonë i mendimit që BE duhet të çelë negociatat, pra, këto bisedime për anëtarësim si me Shqipërinë, ashtu dhe me Maqedoninë e Veriut, në përputhje kjo me rekomandimin pozitiv të Komisionit. Nuk e kam ndryshuar mendjen, vazhdoj të jem i të njëjtit mendim. Vendi juaj duhet të trajtohet me të njëjtin respekt dhe sipas meritave të veta, ashtu siç janë trajtuar dhe të gjitha vendet e tjera dhe do trajtohen vendet tjera të rajonit, të cilët ndajnë me ju objektivin e të qenit vend anëtar në BE.
Në takimin e sotëm, ne diskutuam edhe rëndësinë që ka për Shqipërinë ruajtja e historikut solid në lidhje me luftën kundër korrupsionit krimit të organizuar, pra, për sundimin e ligjit. Ky fiksim apo obsesion i Bashkimin Europian me sundimin e ligjit dhe madje do të shtoja dhe dy elementë të tjerë, si marrëdhëniet e fqinjësisë së mirë dhe pajtimi është pjesë e ADN tonë dhe ka për të qenë dhe ka për të vazhduar të jetë e tillë edhe kur ju të bëheni shtet anëtar. Përndryshe, projekti europian nuk do të qëndronte dot në themele të forta. Por po aq e rëndësishme është edhe fakti që anëtarësimi i Shqipërisë dhe i rajonit në BE është në interesin më të mirë të të gjithë Europës, pasi nuk do të mund të ketë Europë të sigurt dhe stabël pa integrimin e të gjithë Ballkanit Perëndimor në BE, pasi këtu bëhet fjalë për rëndësinë madhore të së ardhmes tonë të përbashkët. Kjo do të thotë që askush nuk po i bën askujt ndonjë nder" tha Tusk.
Kryeministri Edi Rama vlerësoi Presidentin e Këshillit të Europës Donald Tusk me medaljen e 'Yllit të Mirënjohjes' për mbështetjen që i ka dhënë Shqipërisë në procesin e integrimit në Bashkimin Europian. Rama tha se Tusk ka qenë avokat i procesit të zgjedhimit të BE-së me vendet e rajonit.
'Së pari më duhet të them se përtej të zakonshmes, që në këto raste imponon fjalë kortezie protokollare, jam shumë mirënjohës për vizitën e sotme të Presidentit Tusk, i cili rikthehet në Shqipëri dhe është sot, këtu në Shqipëri dhe në rajon, në funksion të asaj që ka qenë qysh ditën e parë, një prej pikave të palëvizshme të referimit të lidershipit të tij, procesi i integrimit të Ballkanit Perëndimor në Bashkimin Europian.
Nga ana tjetër më vjen shumë mirë që sot pata mundësinë ta falënderoj Presidentin, këtu në Tiranë, për gjithçka ka bërë dhe gjithashtu të ndaj me të edhe një moment të veçantë për mua dhe për ne, shpresoj edhe për të, duke i akorduar Yllin e madh të mirënjohjes dhe në atë rast, duke ndarë edhe disa momente të rëndësishme, jo vetëm simbolikisht, në historinë e përbashkët mes vendit të tij dhe vendit tonë.
Më vjen po ashtu shumë mirë ta nënvizoj dhe qartësinë me të cilën Presidenti Tusk është shprehur gjithnjë për këtë proces dhe padiskutim të çmoj para gjithë opinionit tonë publik përpjekjet e tij konstante, si një avokat i procesit të zgjerimit dhe i procesit të afrimit të mëtejshëm të Ballkanit Perëndimor, specifikisht të Shqipërisë dhe të Maqedonisë së Veriut me Bashkimin Europian.
Nuk po zgjatem më shumë. Besoj se sot, më e rëndësishme për qytetarët tanë është të dëgjojnë çfarë ka për të thënë Presidenti Tusk, i cili është këtu posaçërisht për të folur për ta dhe për të dhënë një mesazh publik.
Shumë faleminderit edhe njëherë, Zoti President" tha Rama.
Presidenti i Këshillit të Europës Donald Tusk, ka mbërritur në ambientet e kryeministrisë. Së bashku me Tusk në kryeministri ka shkuar edhe ambasadori i BE, Luigi Soreca. Kryeministri Rama i ka bërë një pritje të ngrohtë Donald Tusk, ku në një moment i ka hedhur edhe dorën rreth qafës, dhe më pas duke biseduar janë drejtuar drejt ambienteve të brendshme të Kryeministrisë.
Tusk pritet që të bisedojë me kryeministrin Rama rreth negociatave me BE që pritet të hapen në tetor.
Komente
Lajme të tjera
-
Orban pretendon se Qeveria polake është instaluar nga BE-ja
25 Tetor, 14:46 -
Kandidatura e ambasadorit të ri amerikan në Shqipëri, David Kostelancik “ngec” në senat
28 Shtator, 07:56 -
Kryeministri polak-qytetarëve: Nëse shihni ushtarë gjermanë, mos bëni panik, kanë ardhur për të na ndihmuar
19 Shtator, 13:26 -
Zelensky firmos marrëveshje për sigurinë me Donald Tusk: Polonia mund të rrëzojë raketat ruse në qiellin ukrainas
8 Korrik, 20:08 -
Ardhja e Ambasadorit të ri të SHBA, Kreshnik Spahiu: Berishës e Metës do iu duket lule Yuri Kim
30 Qershor, 07:51
-
Polonia do ta kthejë zonën neutrale në kufi me Bjellorusinë, thotë Tusk
29 Maj, 17:56 -
Polonia do të ndërtojë mure mbrojtëse në kufirin lindor, thotë kryeministri Donald Tusk
11 Maj, 13:49 -
Komisioni i Senatit miraton kandidaturën e ambasadorit të ri amerikan në Shqipëri, David J. Kostelancik
16 Prill, 20:52 -
Kryeministri polak Donald Tusk: Evropa ka hyrë në epokën e paraluftës, nuk kam parë situatë të tillë që nga 1945
30 Mars, 13:05 -
Më 16 prill pritet rikonfirmimi i David Kostelancik në krye të ambasadës së SHBA në Tiranë
29 Mars, 17:52 -
Evropa do t’i përdorë asetet e ngrira ruse për të blerë armë për Ukrainën
16 Mars, 15:57 -
Senati amerikan tejkaloi afatet e votimit, Biden ripropozon David Kostelancik për ambasador të SHBA-së në Shqipëri
12 Janar, 19:14
Cudira shqiptare kryeministri paska marre atributet e presidentit duke dhene dekorata.
PërgjigjuPo kështu është o popull injorant po të kesh një President që e ka parë gjithë dynjaja me bllokun në dorë dhe 7% grabitje. Do dali një njeri tj se nuk bëhet nami pse nuk kemi një president që tja vlej...
Rrofte naltmadhnia e tij shtz Ed Ram i II-te
PërgjigjuPordh me rigon........!
PërgjigjuDo na pranojn në europe vetem kur europa te kete interesa konkrete. Shqiptaret nuk do të përfitojn asgja si hym si nuk hym në europe. Europa don skllever Shqiptaret nuk dun me punu dhe per kët europa i ban presion geveris shqiptare Mbajeni mend kur shqiperia të hyje ne europe shqiptaret do të ndrrojn mendje për me dal
PërgjigjuYep... big up
Lajm frymezues.
PërgjigjuShko vraj vetem koklopa i Skraparit
PërgjigjuAsnje nuk do ta takoje shkerdhaten,,,....
PërgjigjuZoti Rama është edhe kryeminister edhe president edhe mbret , se në vendin ton tjetër nuk ka mbet ...! Zoti Rama është njeriu i duhur i Shqipërisë
Përgjigju