TIRANË- Dy fletë fletoreje të shkruara me poezi, të cilat janë gjendur në dhomën, ku u konstatua e pajetë Fabjola Hyseni, ish-e fejuara 15-vjeçare e Behar Brajoviç (Bajri), rezulton të mos jenë shkruar prej saj.
Ky është konkluzioni i një ekspertimi grafik që i është bërë në korrik 2019, shkrimit që viktima ka përdorur në fletoret e shkollës me shkrimin e dy fletëve me poezi të gjetura shumë pranë trupit të pajetë, i cili u gjend në njërën nga dhomat e shtëpisë së Behar Bajrit, në Shkodër. Kjo ngjarje ka ndodhur në 29 qershor 2002, ku 15-vjeçarja është raportuar si e vetëvrarë me tre plumba, ku mësohet se njërin prej tyre, e ka pothuajse pas shpine. Behar Bajri, i arrestuari kryesor për këtë ngjarje dhe i dyshuari nga prokuroria si personi i dyshuar për këtë vrasje, ka mohuar në mënyrë kategorike se e ka kryer këtë krim. Por nga ana tjetër, prokuroria ka krijuar bindjen e fortë, tashmë të mbështetur jo vetëm tek sekuestrimi i armës, por edhe në këtë ekspertim grafik të shkrimit të poezive, se autor i dyshuar është pikërisht Behar Bajri, njëri prej personave më të përfolur në botën e krimit në Shkodër. Në dosjen që disponon “Shqiptarja.com”, prokuroria thotë se me të njëjtën pistoletë tip “TT” që është qëlluar 15-vjeçaria Fabjola Hyseni në vitin 2002, është qëlluar në 7 shkurt 2001 Arben Tuzi, ngjarje kjo e ndodhur në rrugën “Qemal Stafa” në Shkodër, ku ka mbetur i plagosur dhe Lulzim Molla.
Po kështu sipas prokurorisë, e cila bazohet në një ekspertim-balistik të armës, i cili mban datën 3 korrik 2002, akuza shpjegon se pikërisht me pistoletën tip “TT” të sekuestruar në banesën e Behar Bajrit, është qëlluar në 21 mars 1999, për herë të parë Arben Tuzi. Goditja sipas prokurorisë dyshohet të jetë kryer nga Behar Bajri dhe Bardhyl Bajri. Kjo ngjarje ka ndodhur në rrugën automobilistike Malësi e Madhe-Shkodër, por askush nuk ka mbetur i vrarë. Por në sallën e gjyqit avokati mbrojtës i Behar Bajrit, Alban Bengasi i tregoi gjykatës së arma e sekuestruar nga prokuroria, nuk ka asnjë lidhje me dy sulmet me armë ndaj Arben Tuzit dhe Lulzim Mollës.
Sipas avokatit, kjo është një gafë e prokurorisë që po heton çështjen penale, pasi nuk ka lexuar mirë dhe qartë ekspertimin balistik të armës tip “TT”, të kryer nga prokuroria e Shkodrës në 3 korrik 2002. Avokati i tha gjykatës se:”…nga përmbajtja e aktit të ekspertimit balistik, rezulton se dy fletët, konkretisht në anën e djathtë janë të zbehta si rrjedhojë e problemeve me bojën kompjuterike gjatë printimit të këtij dokumenti…”. Veç të tjerash avokati Bengasi, shtoi në kërkesën e tij për ndryshimin e masës së sigurisë për Behar Bajrin se: "nga burime konfidenciale dhe tepër të sigurta, rezulton se përmbajtja e aktit të ekspertimit balistik të vitit 2002, është krejt e ndryshme nga sa e paraqet prokuroria, pasi aty, në anën e djathtë të dokumentit, ku nuk duket, është fjala lidhëse "nuk”, gjë e cila është zhdukur si pasojë e problemit me priterin…”. Nisur nga këto rrethana është kërkuar zëvendësimi i masës së sigurisë nga “arrest në burg” në një masë më të butë për Behar Bajrin. Por gjyqtarja Ilirjana Olldashi vendosi të rrëzojë këtë kërkesë me argumentin se: ”…argumentat e paraqitura nga mbrojtja, duke u bazuar në burime të sigurta konfidenciale dhe pa mbështetje proceduriale, janë joprofesionale…”.
Ndërkohë një muaj pas rrëzimit të kësaj kërkese nga gjyqtarja Ilirjana Olldashi, pikërisht kjo gjyqtare në nëntor 2019, vendosi një tjetër masë sigurime “arrest në burg” për Behar Bajri, Safet Rustemi, Ilir Rustemi, Astmer Bilali, Ismet Idrizi, Sirjan Alia dhe Jorida Murati, të akuzuar për gjobëvënien në ngarkim të një pronari restoranti në Shirokë Ardi Vajushi, një pronar agjensie udhëtimi në Shkodër Arjet Miloti dhe biznesmeni Ardjan Kiri. Ndërsa masa sigurime arrest shtëpie janë aplikuar për personelin e Spitalit të Shkodrës, si Senad Halluni, Florine Hoxha dhe Mira Nikaj, të cilat kanë kryer punësimin e paligjshëm dhe kanë paguar pa asnjë ditë pune, Jorida Muratin, mikeshën e Behar Bajrit.
Komente
Lajme të tjera
-
Atentati me 3 viktima në Shkodër, në kërkim policor disa anëtarë të grupit të Bajrave, mes tyre Sakicaj e Troshani
2 Nëntor, 10:59
-
SKEDA/ Kush është Ibrahim Lici, një nga ‘të fortët’ e Shkodrës! Konfliktet me Bajrat dhe Bilalët dhe saga me 11 të vrarë
30 Tetor, 16:49 -
Pakti i fshehtë në 'Sky' mes Behar Bajrit dhe Durim Bamit: Ti më vrit Dorian Dulin,unë ju vras Arben Ndokën
8 Shtator, 11:03
-
'Metamorfoza'/ Dështon sërish seanca paraprake, shkak mungesa e njërit prej avokatëve
21 Qershor, 12:44
-
Një tjetër shef policie pyetet në SPAK: Ardriti më kërkoi të përgjonim Ibrahim Licin, dyshohej për vrasjen e Boriçit
9 Qershor, 15:24
-
'Metamorfoza', shtyhet seanca e parë në GJKKO, shkak mungesa e Xhevahir Litës dhe avokatit të tij
13 Maj, 10:52 -
Behar Bajri mbetet në burg, Apeli refuzon lirimin për të akuzuarin si vrasës me pagesë pjesë e grupit të biznesmenit Pëllumb Gjoka
4 Janar, 10:55 -
Pëllumb Gjoka e të arrestuarit e operacionit 'Metamorfoza' kërkojnë lirinë në Gjykatën e Lartë! Duan të mos merren si provë përgjimet në SKYECC
2 Dhjetor 2023, 12:05
-
Nga Bajri te Dritan Rexhepi, eksperti i sigurisë, Softa: Krimet vazhdojnë edhe pa ‘kokat’, t’u goditet ekonomia! Mahmutaj: Në Sky politikanë të nivelit mesatar
17 Nëntor 2023, 20:10 -
U ekstradua dje nga Franca, GJKKO lë në fuqi masën e sigurisë ‘arrest me burg’ për Behar Bajrin! Akuzohet për 7 vepra penale
17 Nëntor 2023, 14:56 -
VIDEO nga momenti i ekstradimit! I shumëkërkuari Behar Bajri mbërrin nga Franca në Shqipëri, akuzohet për vrasje me pagesë në dosjen ‘Metamorfoza’
16 Nëntor 2023, 10:24 -
Akuzohet për vrasje me pagesë në dosjen ‘Metamorfoza’, Franca i hap rrugë ekstradimit të Behar Bajrit, mbërrin në Shqipëri
15 Nëntor 2023, 15:17
Prokuroria ska me cfare kapet e nxjerr kesoj gjerash. Nje leter apo poezi nuk domethene asgje. Kushdo mund te shkruaj poezi per nje njeri qe i ka humb e kjo seshte prove
PërgjigjuBehar bajri asht nje klysh kurve qe ai vret femij she njerez te lodhur hajde kruaje me mua ta majt po nuk te vara mes shkodres si lapidar
PërgjigjuLeja emrin o i forti se te gjen vet e bane lapidar pastaj
O Behar del prej burgut, se ska mbet kush pa ba si trim ne Shkoder. Kur ishe ti jasht, jan mat disa "tfort", a me dal a mas me dal ne rruge.
PërgjigjuFiks
Ky legen mashkull i pabese vret pas shpine, drejtesia ta denoje me maksimumin e denimit,
PërgjigjuE fejuara 15 vjec??? Psikopat, por ky qenka pedofil.
PërgjigjuJu vrafte zoti njerez te ndyre qe vrate nje femije 15 vjec
PërgjigjuKy surrat kaq i tmerrshem qenka? Ca akuzash tjera ka
Hehehehe...kjo sosht gja. Bajrat akuzohen se kane rrembye e perdhunua fmije 12 vjec ne hotele te Shkodres. Kerko ne Google per "Bajrat perdhunim."
Kaq gjakftohte sa ka shkruar dhe leter? Wtf
PërgjigjuKan per te mbet ne historin e shkodres per njerzit me te Pa bese qe ka njoh ky ven..dhe rrac gabelsh nuk jan shqipetar