POP 5

Lajmet më të lexuara të 5 minutave të fundit

Politikë

Pasi i takoi Basha edhe Meta pret ndërkombëtarët: Po t'ju kishim dëgjuar gjendja do ishte ndryshe

Sipas Metës nëse do të ishin dëgjuar në kohë sugjerimet dashamirëse të drejtuesve të lartë të CDU, gjendja sot do të ishte krejt e ndryshme.

Pasi i takoi Basha edhe Meta pret ndërkombëtarët: Po t'ju kishim dëgjuar gjendja do ishte ndryshe

Pas takimit që kreu i PD zhvilloi ditën e djeshme me ta edhe Presidenti Ilir Meta është takuar me faktorin ndërkombëtar. Konkretisht me Zëvendës Kryetaren e Grupit Parlamentar të CDU/CSU, deputeten gjermane Katja Leikert si dhe me ambasadorin e Austrisë Johann Sattler.

"Falenderoj angazhimin e posaçëm të Bundestagut dhe veçanërisht të grupit parlamentar CDU/CSU për parandalimin e thellimit të krizës politike në Shqipëri" ky ka qenë reagimi i Presidencës pas takimit me deputeten gjermane Katja Leikert.  Presidenti Meta ndër të tjera ka komentuar edhe situatën politike në vend, me një opozitë jo parlamentare që duket më e përçarë se kurrë, me një datë (13 tetor) që vetë Presidenti ka dekretuar si datë zgjedhjesh lokale, dhe nga ana tjetër qeveria Rama që vijon t'i përmbahet zgjedhjeve të organizuara më 30 qershor të cilat opozita nuk pranoi që të  hynte. Meta pas takimit me Leikert ka thënë se e vetmja zgjidhje e kësaj krize janë zgjedhjet, dhe se 13 tetori është një mundësi që nuk duhet humbur pasi vetëm do e përshkallëzonte më tej atë.

Sipas Metës nëse do të ishin dëgjuar në kohë sugjerimet dashamirëse të drejtuesve të lartë të CDU, gjendja sot do të ishte krejt e ndryshme. Ndërsa ka përmendur edhe rastin e Kosovës që do të shkojë në zgjedhje të parakohshme. 

“Nëse politikanët vendas e kanë të pamundur të mësojnë nga vendet me përvojë të konsoliduar demokratike se si zgjidhen krizat, kanë rastin të mesojnë nga një shtet i ri si Kosova se si u jepet mundësia qytetarëve të thonë fjalën e tyre përmes zgjedhjeve të parakohshme për të ardhmen e institucioneve qeverisëse”, -  theksoi Kreu i Shtetit.

Ndër të tjera Meta ka vlerësuar marrëdhëniet ndërmjet Shqipërisë dhe Gjermanisë, dhe vëmendjen e posaçme që Gjermania po i kushton Shqipërisë, rajonit dhe perspektivës sonë europiane. Po ashtu Kreu i Shtetit ditën e sotme ka zhvilluar një takim edhe me ambasadorin e Austrisë në Shqipëri, Johann Sattler i cili ka përfunduar detyrën e tij në vendin tonë.

Kujtojmë që ky takim i Metës me Leikert dhe Sattler ka ardhur një ditë pasi kreu i opozitës, Lulzim Basha u takua me ta. Pas këtij takimi Basha tha se është në komunikim intensiv me ndërkombëtarët, ndërsa paralajmëroi se do të ketë rikthim protestash dhe emra të tjerë të dënuarish që PS i ka veshur me detyra politike.

/G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Geo: 28/08/2019 22:23

    Po esht fjalim i njej presidenti ky. Po sa her te jen votimet ne shqipri luli futet ne qader e monja mbas qadres dhe thojen te bahen votimet por mos te marr pjes ps se dona me fitue, e ky presedenti shtyn votimet, e ky thot merrni shembull ne kosov o pyka

    Përgjigju
  • YYY: 28/08/2019 13:18

    Ne fakt nderkombetaret u degjuan. Ata thane qeveria eshte e ligjeshme, parlamenti legjitim dhe zgjedhjet lokale te zhvillohen me 30 qershor.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

10 kuriozitete rreth Krishtlindjes të zgjedhura nga National Geographic

10 kuriozitete rreth Krishtlindjes të zgjedhura nga National Geographic

25 Dhjetor, 07:58