Receta

Patëllxhanë me salcë të kuqe nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 14 Janar, 11:41 | Përditesimi: 14 Janar, 11:43

Patëllxhanë me salcë të kuqe

Përbërësit:

4 patëllxhanë mesatarë
3-4 domate ose 300 ml salcë domate
2 thelpinj hudhër
1 qepë mesatare
1 spec i kuq (opsionale)
4 lgj vaj ulliri
Kripë, piper sipas shijes
Majdanoz i freskët për zbukurim

Përgatitja:

LEXO EDHE:
Mish me nenexhik nga zonja Albana

Qërojmë patëllxhanët në shirita (një rresht me lëkurë, një pa lëkurë). I presim në feta të gjata ose rrathë dhe i vendosim në ujë me kripë për 15-20 minuta. Në një tigan, ngrohim vajin e ullirit dhe skuqim patëllxhanët derisa të marrin një ngjyrë të artë. I vendosim në një pjatë me letër për të thithur yndyrën e tepërt. Ndërkohë përgatisim salcën, në të njëjtin tigan, hedhim pak vaj ulliri dhe kaurdisim qepën e grirë hollë derisa të zbutet. Shtojmë hudhrën e grirë imët dhe specin dhe vijojmë me kaurdisjen për disa minuta. Më pas shtojmë domatet e grira ose salcën e domates, duke shtuar pak ujë nëse është e nevojshme. Rregullojmë shijen me kripë e piper dhe e lëmë salcën të ziejë për 10-15 minuta derisa të trashet pak. Rendisim patëllxhanët në një tavë pjekjeje dhe i mbulojmë me salcën e përgatitur. E vendosim tavën në furrë të parangrohur në 180°C për 20 minuta.

MC/Shqiptarja.com

TAG:

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com