POP 5

Lajmet më të lexuara të 5 minutave të fundit

Sociale

Patos, Kisha 200-vjeçare
kthehet në banesë për një familje

Kjo është pamja e trishtë që të ofron kisha 200-vjeçare në lagjen Bregas të Patosit, e cila shërben si banesë për një nënë dhe dy fëmijët e saj.  VIDEO
Kjo është pamja e trishtë që të ofron kisha 200-vjeçare në lagjen Bregas të Patosit, që shërben si banesë për një nënë dhe dy fëmijët e saj.

Muret janë të çarë, ambientet me lagështirë dhe familja Duraj është tërësisht e varur nga kushtet atmosferike. Në këtë kishë-shtëpi, nuk ka energji elektrike, as ujë dhe madje as tualet për të kryer nevojat e tyre personale.

Dhe as destinacioni fillestar i kësaj ndërtese nuk ka mundur dot ta shmangë dramën e familjes Duraj, e cila përveç varfërisë u përball edhe me divorc. Kryefamiljari Fuat Duraj rezulton të jetë ndarë me bashkëshorten e tij Mersije, pikërisht prej konfliktit që hyri në familje për shkak të kushteve të rënda ekonomike.

Kunata e Mersije Ahmetajt tregon se me çfarë kushtesh përballen përditë të afërmit e saj që strehë të vetme kanë shtëpinë e zotit.

“Ka 15 vjet këtu. Kjo rrezikohet nga dita në ditë të shembet. Jetojnë nga e keqja, se ku të venë? Zëre se janë përjashta. Këtu do ti zërë, po më mirë të dalin përjashta”, thotë Mersija.

Ajo tregon se kunata e saj dhe dy fëmijët përballen përditë me frikën e rrëzimit të mureve dhe shprehet se nuk do të jetë e largët dita kur në këtë familje të ndodhë ndonjë tragjedi:

“Kur ta dëgjoni ndonjë ditë që ka rënë (çatia). Kjo është puna. Shikojeni mirë dhe flisni. Ata nuk hanë dot bukë jo më të bëjnë çati. Kjo familje është ndarë. Domethënë burri dhe gruaja janë ndarë se s’kishin. Ziheshin me njeri tjetrin dhe u ndanë".

Një tjetër i afërm i familjes tregon se pranë kësaj kishe kohë më parë gjendeshin varrezat: “Këto rreth e qark kanë qenë varreza. Unë i kam parë vetë kockat dhe po të punojmë aty mund të shikosh kafka...”

Edhe pse në lagje myslimanësh, kisha me moshë dy-shekullore ka shërbyer për të kryer rite fetare. Ajo është dëmtuar në periudhën e komunizmit dhe gjatë dy dekadave të fundit ka shërbyer si banesë për familjen e pastrehë, dikur me 4 anëtarët.

kisha ne banese

kisha ne banese

kisha ne banese

kisha ne banese
Redaksia Online
(m.b/shqiptarja.com) 

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

U konfliktua me doganierin, nis hetimi për shefin e stacionit të Policisë Kufitare Kapshticë

U konfliktua me doganierin, nis hetimi për shefin e stacionit të Policisë Kufitare Kapshticë

14 Janar, 23:55