Patozi: Tahiri ‘peshk i vogël’? Atëherë rrugë të mbarë gjuetisë së ‘peshkaqenëve’

Ish-deputeti i Partisë Demokratike, Astrit Patozi ka komentuar dorëzimin e mandatit të deputetit nga ish-ministri i Brendshëm, Saimir Tahiri. Patozi shkruan në rrjetet sociale se ‘dorëzimi’ i Tahirit, sipas tij “peshk i vogël”, i akuzuar për trafik droge me Habilajt, i hap rrugë gjuetisë së "peshkaqenëve". 

Mesazhi i Patozit është se ata të cilët bëjnë gjumë të prishur prej kohe për shkak të çështjes 'Tahiri', kanë tashmë një arsye më shumë të shikojnë ëndrra të këqija.

LEXO EDHE:
Apeli i GJKKO e la në burg, ish-truproja e Tahirit rekurs në Gjykatën e Lartë

Cilado qoftë arsyeja e dorëzimit të tij tek drejtësia, ata që bëjnë prej kohësh gjumë të trazuar, për shkak se e dinë ç’kanë bërë, kanë një arsye më shumë të shikojnë ëndrra të keqija.

Nëse Saimir Tahiri paska qenë një peshk i vogël, siç po thuhet, atëherë rrugë të mbarë gjuetisë së “peshkaqenëve”, pavarësisht krahut që kanë zgjedhur për të qëndruar në oqeanin e zullumit! Nuk ka fare rëndësi, nëse janë shefa apo kundërshtarë të tij.

Astrit Patozi, ish-deputet i PD

Postimi i plotë i Astrit Patozi:

SHPIRTRAT QË MUND TË KETË TRAZUAR DORËZIMI I SAIMIR TAHIRIT

Nëse Saimir Tahiri paska qenë një peshk i vogël, siç po thuhet, atëherë rrugë të mbarë gjuetisë së “peshkaqenëve”, pavarësisht krahut që kanë zgjedhur për të qëndruar në oqeanin e zullumit!

Nuk ka fare rëndësi, nëse janë shefa apo kundërshtarë të tij. Cilado qoftë arsyeja e dorëzimit të tij tek drejtësia, ata që bëjnë prej kohësh gjumë të trazuar, për shkak se e dinë ç’kanë bërë, kanë një arsye më shumë të shikojnë ëndrra të keqija.

Të paktën nuk qëndron më alibia se mbrojtja e ish-ministrit me imunitet ishte një barrikadë e fortë për pandëshkueshmërinë.
Dhe kjo nuk ka të bëjë shumë me atë që mund të thotë apo tregojë vetë Tahiri gjatë hetimit të tij.

Më tepër se kaq, është djegia e një etape tjetër në një proces me sa duket të pakthyeshëm, dhe me shumë gjasë ky është shkaku se pse po përvëlon kaq shumë. Është ai momenti, kur e ndjen se po të ngrihet niveli i ujit dhe ti e di që nuk mund të notosh, ngaqë t’i kanë lidhur duart.

TAG:
• astrit patozi
• saimir tahiri
• saimir tahiri dorezon mandatin e deputetit

Sondazhi i ditës:

A respektohen të drejtat e punëtorëve në Shqipëri?

• Po

  22.6%

• Jo

  25.3%

• Nuk e di

  52.1%

Vota total: 11791

• Sondazhi i ditës:

  A respektohen të drejtat e punëtorëve në Shqipëri?

  Po Jo Nuk e di