TIRANË- Në 15 vjetorin e pavarësisë së Kosovës, Lulzim Basha, ka folur në Report Tv për historinë e kësaj dite dhe kontributin e tij asokohe si ministër i Jashtëm. Në intervistën për emisionin ‘Studio Live’ me gazetarin Arbër Hitaj, Basha e cilësoi shpalljen e pavarësisë së Kosovës si ditën e dytë më të rëndësishme të kombit shqiptar. Basha foli në Report Tv pas kaq shumë kohësh i distancuar nga media dhe politika. Ai mohoi të gjitha akuzat që i janë bërë lidhur me raportin e Dick Marty në Shtëpinë e Verdhë në Burrel.
"Unë e kam përjetuar edhe përgjegjësinë historike që më ishte ngarkuar si ministër i Jashtëm i asaj periudhe dhe që ngulmoi e gjithë puna me atë ditë fatlume dhe që vijoi me garantimin e njohjeve. Jemi një brez me fat sepse kemi përjetuar datën e dytë më të rëndësishme së kombit shqiptar pas 28 nëntorit 1912", tha Basha në Report Tv.
Sa i takon ecurisë së Kosovës në këto 15 vite që nga shpallja e pavarësisë, Basha tha se Tirana, po ashtu edhe Prishtina mund të kishin bërë më shumë për të frenuar lojën e Beogradit, që sipas tij viktimën, në këtë rast Kosovën, Beogradi e ka trajtuar sikur të ishte agresorja.
"Do frenonin lojën e Beogradit për ta kthyer viktimën agresor dhe agresorin viktimë", tha Basha.
Një koment e pati edhe për liderët e UÇK-së që ndodhen në Hagë. Basha tha se asgjë nuk mund ta përbaltë luftën e drejtë të Kosovës.
Ish kryedemokrati, Lulzim Basha foli në Report TV edhe për Open Balkan duke thënë se drejtuesit e vendeve pjesëmarrëse në këtë marrëveshje, po e përdornin si mbivendosje për t'u shfajësuar nga problemet aktuale të shteteve që drejtojnë.
“Është mbivendosje cila është gatuar për të justifikuar protagonizmin nacionalist dhe përdorimin e problemeve të pazgjidhura si një shfajësim apo si një kredo shtesë për këtë drejtues apo sunduesit aktualë siç u referohen disa raporte për të drejtat e njeriut.. Nuk ka asgjë të gabuar me parimin e heqjes së kufijve sepse në fund të fundit vetë anëtarësimi në BE këtë do thotë. Përtej propagandës dhe retorikës rruga për të ecur përpara është dhënia fund e pengmarrjes së çështjes Beograd-Prishtinë përmes përqafimit të planit franko-gjerman”-tha Basha.
Në 15 vjetorin e Pavarësisë së Kosovës, Lulzim Basha thotë për Report Tv se asgjë nuk mund ta përbaltë luftën e Kosovës.
“Dekadën e fundit është humbur kohë e mundësi, për pëgjegjësinë e Tiranës dhe Prishtinës, nuk kam lënë pa i vënë në pah, për të avancuar në disa aspekte të cilat ndihen në kontroll tonë, që do frenonin lojën e Beogradit për ta kthyer viktimën agresor dhe agresorin viktimë. E dimë që si rez i aagresionit, spastrimit etnik, kemi mijëra shqiptarë të zhdukur, një prej fushatave më çnjerëzore kundër civilëve të pafajshëm, që u bë fakt përmes operacionit patkoi.
Vlerësoj se me shpirtin e sakrificës që karakterizoi lëvizjen çlirimtare, Adem Jashari, një nga dy shtyllat e Kosovës së lirië. Me sakrificën e qindra mijëra bijave të Kosovës, me sakrificën e UÇK, tashmë vjen edhe një sakrificë tjetër, Thaci e Veseli, Krasniqi, Selimi dhe të tjerë që edhe njëherë ju duhet të sakrifikojnë nga lira e tyre për tu përballu e më një proces që s’do mund të përbaltë luftën e drejtë të Kosovës.
Dita e dytë më e rëndësishme e kombit shqiptar e ka konsideruar Lulzim Basha shpalljen e pavarësisë së Kosovës më 17 shkurt 2008.
“Çdo 17 shkurt më mbush me emocione të asaj dite. Një moment që i bashkon shqiptar, një ditë që i ka emocionuar shqiptarët kudo ku ndodhen në të gjitha trojet dhe në të gjithë planetin. Këto janë momente që gdhendin vetëdijen kombëtare. Unë e kam përjetuar edhe përgjegjësinë historike që më ishte ngarkuar si ministër i Jashtëm i asaj periudhe dhe që ngulmoi e gjithë puna me atë ditë fatlume dhe që vijoi me garantimin e njohjeve. Jemi një brez me fat sepse kemi përjetuar datën e dytë më të rëndësishme së kombit shqiptar pas 28 nëntorit 1912.
Tensioni ka qenë i natyrës diplomatike. Burimi kryesor i tensionit ka qenë paaftësia e palës serbe për të pranuar realitetin, për të pranuar se ky nuk ishte një hap vetëm në favor të Kosovës, por patonte rajonin. Paaftësia e Serbisë për të realizuar një moment kyç për tu shkëputur nga e tejkaluar e errët e ktheu në një viktimë të Rusisë putiniste, e cila nga njëra anë e bënte sikur qante hallin e Serbisë duke u përpjekur në çdo hap që të na sabotonte, nga ana tjetër po përgatiste terrin për të shfrytëzuar një rast historik, për të shpalosur revanshizmin e vet që mori vonë pak më vonë përmes agresionit ndaj Gjeorgjisë, Krimesë e tani në Ukrainë.”, tha Basha.
Komente
Lajme të tjera
-
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50 -
Studio Live/ 'Adoleshentët po bëhen hallka më e dobët në shoqërinë shqiptare', Gëzim Tushi: Krimet që kryen kjo moshë po rriten! Mehmeti: Kanë zëvendësuar stilolapsin me thikën
22 Nëntor, 19:55 -
'Studio Live'/ Vendimi i GJK për Berishën, Haklaj: E quajti arrestimin të ligjshëm, unanim 8-0! Meta humbi burrërinë, kërkoi pasaportën! Faik Basha: Është më i frymëzuar se kurrë
22 Nëntor, 18:01 -
‘S’është koha për bashkim me Shqipërinë’, Kurti: Qëllimi i Serbisë është hakmarrja, duhet të jemi të përgatitur për këtë
22 Nëntor, 10:32 -
Reagimet e politikës për Ditën e Alfabetit! Rama: Gjuhën ta duam e përcjellim! Begaj: Simbol i bashkimit kombëtar! Basha: Prioritet për emigrantët
22 Nëntor, 08:56 -
Kimete Berisha: E vetmuar, si dhelpra!
21 Nëntor, 21:31
-
‘Janë të pavërteta’, Policia e Kosovës mohon se e ka kaluar kufirin me Serbinë
21 Nëntor, 20:12 -
'Nuk pres të më nderojnë me lule', Lapaj në 'Studio Live': Ja gabimi më i madh i Ramës, Metës dhe Berishës
21 Nëntor, 18:29 -
Vota e diasporës/ Ish-kreu i KQZ, Kume: Koston e postës ta paguajë KQZ! Një familje me 4 votues në Kanada i bie të paguajnë 400 dollarë për kthimin e fletës
21 Nëntor, 17:57 -
Propozimi për mbylljen e TikTok dhe Snapchat/ Milva Ekonomi në 'Studio Live': Janë jashtë kontrollit të mësuesit dhe prindit! Duhet të mbrojmë fëmijët tanë
21 Nëntor, 17:31 -
Osmani kritika Kurtit: S’mund të luajmë bixhoz me partnerët, cenohet mbrojtja e Kosovës! Askush s’ia ka dalë vetëm
21 Nëntor, 11:35 -
Qeveria e Kosovës akuzon Serbinë për legjitimim të diskriminimit të shqiptarëve
20 Nëntor, 21:37
urime popullit kosovar per pavaresine. kane perkrahjen e te gjithe popullit ne perpjekjet e tyre kunder armiqve serbe dhe ruse
Përgjigju