Pavarësisht pandemisë, Italia mbetet partneri kryesor tregtar i Shqipërisë

Bllokimet e lëvizjeve dhe kriza e përgjithshme e shkaktuar ka pandemia globale COVID-19 ka ndikuar në tregtinë e jashtme duke e goditur atë.

Por kriza e shkaktuar nga kriza globale shëndetëosre nuk ka arritur të ndryshojë partnerët kryesorë tregatrë të Shqipërisë me gjithë vështirësitë e bllokimit të lëvizjeve dhe aktiviteteve ekonomike në periudha të ndryshme të vitit. Të dhënat e INSTAT tregojnë se Italia vijon të mbetet partneri kryesor tregtar i Shqipërisë.

Gjatë vitit 2020, sipas të dhënave të INSTAT, Shqipëria ka pasur rritje më të madhe të eksporteve, në krahasim me një vit më parë janë: Gjermania (12,8 %), Greqia (3,4 %) dhe Maqedonia e Veriut (3,4 %).

Ndërsa vendet me të cilat eksportet kanë pasur uljen më të madhe janë: Italia (13,7 %), Kosova (12,0 %) dhe Spanja (30,4 %).

Gjatë vitit 2020, vendet me të cilët Shqipëria ka pasur rritje më të madhe të importeve, në krahasim me një vit më parë janë: Greqia (0,2 %), Gjermania (0,3 %) dhe Serbia (77,8 %). Ndërsa vendet me të cilat importet kanë pasur uljen më të madhe janë: Italia (7,4 %), Turqia (6,2 %) dhe Kina (9,5 %).

Në muajin Dhjetor 2020, vendet me të cilët Shqipëria ka pasur rritje më të madhe të eksporteve, në krahasim me Dhjetor 2019 janë: Italia (4,8 %), Kosova (21,1 %) dhe Greqia (6,8 %). Ndërsa vendet me të cilat eksportet kanë pasur uljen më të madhe janë: Spanja (61,4 %), Gjermania (10,2 %) dhe Mali i Zi (15,1 %).

Në muajin Dhjetor 2020, vendet me të cilët Shqipëria ka pasur rritje më të madhe të importeve, në krahasim me Dhjetor 2019 janë: Italia (19,1 %), Greqia (42,1 %) dhe Kina (1,0 %). Ndërsa vendet me të cilat importet kanë pasur uljen më të madhe janë: Turqia (9,4 %), Gjermania (0,4 %) dhe SHBA (7,1 %).

Shkëmbimet tregtare, për vitin 2020, me vendet e BE-së zënë 63,1 % të gjithë tregtisë. Në periudhën Janar – Dhjetor 2020, eksportet drejt vendeve të BE-së zënë 74,7 % të eksporteve gjithsej dhe importet nga vendet e BE-së zënë 58,0 % të importeve gjithsej. Partnerët kryesorë tregtarë janë: Italia (31,4 %), Greqia (7,7 %), Gjermania (7,1 %) dhe Turqia (7,0 %).

 Në Dhjetor 2020, eksportet drejt vendeve të BE-së zënë 68,9 % të eksporteve gjithsej dhe importet nga vendet e BE-së zënë 58,5 % të importeve gjithsej. Partnerët kryesorë tregtarë janë: Italia (30,1 %), Turqia (8,2 %), Greqia (7,9 %) dhe Kina (7,0 )./ Gazeta "Si" 

J.GJ./Shqiptarja.com

TAG:
• itali
• shqiperi
• eksportet
• Instat
• tregtia