POP 5

Lajmet më të lexuara të 5 minutave të fundit

Politikë

PD dorëzon kërkesën në KQZ:
Të anulohen zgjedhjet e Korçës

Deputeti i Partisë Demokratike Oerd Bylykbashi dorëzoi sot rreth orë 14:30 minuta kërkesën në KQZ. Bylykbashi: Rama e Meta vodhën dhe zgjedhjet e 23 qershorit.
TIRANE-  Partia Demokratike dorëzoi sot në mesditë në Komisionin Qendror të Zgjedhjeve kërkesën për të anuluar zgjedhjet e pjeshme vendore të mbajtura në Korçë të dielën e 3 nëntorit.

Deputeti i Partisë Demokratike Oerd Bylykbashi dorëzoi sot rreth orë 14:30 minuta kërkesën në KQZ.

“U faktua me filmim e me zë. Bazuar mbi këto prova kërkuam që KQZ si organ kompetent, të shpallë të pavlefshëm zgjedhjet dhe t’i përsërsië sepse asnjë zgjedhje nuk mund të jetë legjitime kur themeli i votës cënohet përmes blerjes së saj. Shresojmë që KQZ të japë përgjigjen e merituar këtij dhunimi të rëndë të një të drejte kushtetuese”- tha Bylykbashi për gazetarët pas dorëzimit të kërkesës  në KQZ.

 Bylykbashi shtoi se PD do të kërkojë me forcë që të jepet drejtësi për këtë “proces të korruptuar” siç tha Bylykbashi. Për këtë proces ai akuzoi kryeministrin Rama, dhe Ilir Metën, të cilën e quajti bashkëkryeministër.
 
“Do kërkojmë me forcë që kjo e drejtë të vihet në vend dhe t’i japë të drejtë një procesi të korruptuar dhe një sinjali të fortë kundër një sekreti të madh politik siç është korrupsioni me blerjen e votës me para të pista. E ka përdorur masivisht që në zgjedhjet e 23 qershorit. Sigurisht që pamë një aplikim sistematik të kësaj shkeljeje të rëndë. Kjo tregon se PS e LSI janë tashmë aq të bindur se asgjë nuk i ndalon në arrogancën e tyre sa mund të aplikojnë një skemë të tillë në mënyrë masive.

Është preludi i asaj që mund të ndodhë në zgjedhjet e ardhshme. Nëse nuk merr një goditje kjo skemë që udhëhiqet nga kryeministri e bashkërkyeministri Meta gjithë shqiptarët të harrojnë se do kemi zgjedhje të lira”- tha Bylykbashi. Ai shtoi se  së shpejti po përgatitet kërkesën për ngritjen e një grupi hetimor për ta paraqitur së shpejti në Kuvend.

Redaksia online
(sg/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

SPAK rrëzoi akuzat për Olsi Ramën, Berisha sulmon Dumanin: U bë anëtar i bandës së ‘Xibrakës’

SPAK rrëzoi akuzat për Olsi Ramën, Berisha sulmon Dumanin: U bë anëtar i bandës së ‘Xibrakës’

11 Janar, 14:54