Deputetët demokratë Dashnor Sula dhe Bledion Nallbati kanë dorëzuar në Gjykatën Kushtetuese kërkesën e grupit të PD të firmosur nga 29 deputetë, për të shfuqizuar Bordin e Përcaktimit të Produkteve Ushqimore. Më parë, kanë depozituar edhe kërkesë për shfuqizimin e Bordit të Transparencës për karburantet. Deputeti Sula u shpreh se qeveria i ka kthyer në ditë dimri të gjitha ditët e verës pasi paketa e ndihmës ishte e pamjaftueshme dhe çmimet shumë të larta.
“Sapo dorëzuam kërkesën për shfuqizimin e aktit normativ të qeverisë për bordin për çmimet e ushqimeve. Qeveria i ka kthyer në ditë dimri të gjitha ditët e verës për qytetarët shqiptarë. Kanë paguar çmime të larta për të gjitha produktet ushqimore. Paketat e ndihmës së qeverisë ishin tërësisht të pamjaftueshme. Unë bashkë me kolegët e PD kemi bërë përllogaritje dhe del që është 76.7% rritja e produkteve të shportës. Gati dyfishim. Paketa që jep kjo qeveri janë vetëm thërrime. Kjo është për të ardhur keq dhe gjej momentin t’i bëj thirrje Gjykatës Kushtetuese që të marrë me procedurë të përshpejtuar këtë kërkesë. Ky bord është abuziv dhe nuk përfaqëson interesat e qytetarëve të shqiptarëve. Është një bord që përbëhet nga qeveria dhe grosistët, zero përfaqësim të qytetarëve shqiptarë. Është thjeshtë propagandë. I kërkojmë ndjesë qytetarëve për vonesën”, tha ai.
Edhe në Kuvend, Sula është kujdesur shpesh herë që të tregojë se sa është rritur çmimi i produkteve të shportës.
Bordi i ushqimeve hyri në fuqi më 1 prill dhe detyra ishte monitorimi i çmimeve të produkteve të shportës dhe përcaktimin e marzheve të fitimit të bizneseve të këtij sektori. Çmimet monitorohen çdo javë. Të gjitha subjektet që importojnë dhe prodhojnë produkte ushqimore sipas vendimit janë të detyruar të marrin masa për të ofruar furnizim të pandërprerë. Në vendim përcaktohet po ashtu që të gjitha këto biznese duhet të garantojnë rezerva ushqimore për 3 muaj.
Më parë 29 deputetë të Grupit Parlamentar të Partisë Demokratike, i janë drejtuar Gjykatës Kushtetuese me kërkesë për shfuqizimin e Bordit të Transparencës për çmimet e karburanteve.
Lajme të tjera
-
'Paqja' PS-Rithemelimi/ Sula: Përjashtimi i Bashës, vendim i gabuar! Nga kaosi kemi humbur! Krashi: Normaliteti në Kuvend, zhvillim pozitiv
22 Mars, 17:30 -
'Fluturojnë' çmimet e perimeve, Sula: Fermerët kanë nevojë për ndihmë! Eksperti i bujqësisë: Jemi vend i rrallë, por duhen studime
13 Mars, 14:48 -
Debatet/ Negociatat përplasin Rithemelimin! Shehu: Të kërkojmë lirinë e Berishës! Nallbati: Ik more ti! Salianji kundër: 5 muaj sherr për t’u ulur me Ramën
12 Mars, 12:56 -
Penguan zhvillimin e seancës, PS kërkon përjashtimin në Kuvendi të Nokës, Korreshit e Nallbatit
5 Mars, 15:57
-
Amnistia Penale, Sula: Përfitojnë ish-zyrtarë, për herë të parë, s’ka konsensus të gjerë! Avokati: Tepër përjashtuese! Përfshin shumë pak persona
26 Shkurt, 22:28 -
Vrasja e Pëllumb Metës, gazetari: Bashkëshortes së tij do t’i bëhet ekspertizë, dyshohet se mund të ketë probleme të shëndetit mendor
26 Shkurt, 21:13 -
Amnistia penale nesër në Kuvend, Basha kusht: Falni protestuesit! Po lironi zyrtarët e korruptuar! Manja: S'ka falje por ulje dënimi! Pres reflektim
21 Shkurt, 11:09 -
Pse proteston Rithemelimi? Nallbati: Ka 1001 arsye, 'dhëmbë për dhëmbë' me Ramën! Shabani: Nuk marr pjesë, Nisma Thurje jo pjesë e frontit
19 Shkurt, 21:16 -
I veshur me euro dhe dollarë, Sula në Kuvend: Dita e çmendurisë, do pastrojnë paratë me bastet online
8 Shkurt, 10:07 -
Reforma Zgjedhore, Klosi: Dyshoj se në mbledhje do kemi përplasje! Sula: Do jem i pranishëm, kërkojmë zëvendësimin e Alibeajt si bashkëkryetar
18 Janar, 21:54 -
Sula kritikon Berishën për protestat e militantëve poshtë ballkonit të tij: Duhet të dalë dhe t’u kërkojë të ikin! Nuk është zgjidhje
10 Janar, 18:32 -
Kaosi në Kuvend/ Në 3 muaj, 29 deputetë të përjashtuar! Bardhi, ‘më i ndëshkuari’, e ndjek edhe Nallbati! Noka rrezikon ndëshkim me rregulloren e re
7 Janar, 15:12
