PD kaos e dhunë në Kuvend, djegin karriget! Ambasadori i BE dhe SHBA-të: Të shqetësuar dhe të keqardhur, dhuna nuk është zgjidhje! Ndaloni përshkallëzim e situatës!

Në një kohë që Shqipëria pret çeljen e negociatave për grupkapitujt e parë, PD ka ndërmarrë një aksionin që e quan të "mosbindjes civile".

"Është për të ardhur keq" Ky është mesazhi i ambasadorit të BE-së Silvio Gonzato drejtuar Partisë Demokratike për aksionin e djeshëm opozitar me kthimin e skenarit të kaosit në Kuvend, bllokimin e  foltores, hedhjen e sendeve të forta në drejtim të kryetares së Kuvendit e deri tek djegia e karrigeve.

Është për të ardhur keq që për një çështje tjetër disa përfaqësues të opozitës përdorën mënyra që ndërpresin mbarëvajtjen e jetës parlamentare në kuvend. Është për të ardhur keq. Për çfarëdo ideje që kemi nuk është kjo mënyra oër ta shprehur mendimin.

LEXO EDHE:
‘Moodi im pas një tjetër procedimi penal’, Kryemadhi shfaqet duke kërcyer në pishinë: Nuk mu ndanë sa majtas djathtas

Në një demokraci funksionale si Shqipëria pakënaqësitë duhet të shprehen në mënyrën e duhur e nuk duhet të përdoren dhunë apo dëmtime ndaj pronës për të shprehur mendimin, deputetët e kuvendit duhet të kenë mundësinë të përmbushin rolin e tyre në siguri të plotë' tha ambasadori i BE-së në një reagim për gazetarët jashtë sallës së kuvendit ku dje PD organizoi kaosin nxitur siç thotë ajo pas dënimit me 1 vit burg të deputetit demokrat, Ervin Salianji. 

Ambasadori bëri thirrje për tu kthyer në dialog dhe të ndalohet "përshkallëzimi i situatës dhe të shmangen sulmet personale dhe verbale" 

Deputetët e Partisë Demokratike nxorrën dje jashtë sallës së Kuvendit karriget e tyre dhe u vunë zjarrin në shenjë proteste ndaj burgosjes së deputetit Ervin Salianji, dhe, siç u shprehën ata, ndaj shumë akteve të tjera arbitrare të shumicës ndaj opozitës dhe lirive demokratike në vend. Deputetët e PD-së shprehën dhe kërkesën për qeveri teknike që do të cojë vendin në zgjedhjet e ardhshme parlamentare. 

I menjëhershëm edhe reagimi i ambasadës së SHBA-ve në Tiranë, ku shprehet shqetësimi i thellë për forcën e dhunës në Parlament ditën e djeshme, teksa apelohet për dialog mes palëve.

"Ambasada e SHBA është thellësisht e shqetësuar për shkatërrimin dhe forcën e shpalosur në parlamentin shqiptar të hënën. Akte të tilla dëmtuese dhe potencialisht lënduese nuk kanë vend në procesin demokratik", thuhet ndër të tjera në reagim. 

Ndërkohë, Policia e Shtetit njoftoi sot (1 Tetor) se ka nisur edhe hetimet për deputetët që shkaktuan dëme dhe dogjën karriget e parlamentit.

Fjala e plote e ambasdorit Gonzato

Në fakt më lejoni që të fillojë me një not pozitive sepse po bëhet fjalë për një moment shumë të rëndësishëm përsa i përket qëndrimit negociues të Shqipërisë për çështje shumë të rëndësishme për vendin, si funksionimi i ligjit, si funksionimi i institucioneve demokratike apo lufta kundër korrupsionit. Pra të gjitha këto gjëra pozitive. Prandaj ishte kënaqësi që dje opozita dhe mazhoranca u ulën dhe diskutuan në Komisioni përkatës në Kuvend dhe të miratonin dhe qëndrimin negociues në Kuvendin e Shqipërisë përsa i përket negociatave me BE.

Në fakt për këtë është për të ardhur keq, në fakt për një çështje tjetër disa përfaqësues të opozitës më vonë ditën e djeshme përdorën mënyra që ndërpresin mbarëvajtjen e jetës parlamentare në Kuvend dhe kjo është vërtet për të ardhur keq. Çfarë do lloj qëndrimi apo ideje që mund të kemi nuk është kjo mënyra për ta shprehur mendimin.

Gjithashtu më duhet të them që në një demokraci funskionale si Shqipëria, pakënaqësi nga më të ndryshmet duhet të shprehen në mënyrën e duhur dhe nuk duhet që të përdoret dhunë apo që të behet dhunë apo që të bëhen dëmtime ndaj pronës për të shprehur mendimin.

Sepse deputetët e Kuvendit të Shqipërisë duhet të kenë mundësinë që të përmbushin dhe të luajnë rolin e tyre në siguri të plotë. Pranda ja lejoj vetes që ta bëj këtë koment pikërisht se është shumë e rëndësishme që Kuvendi i Shqipërisë parlamenti i vendit, të luaj rolin e duhur që Shqipëria të behet një vend anëtar në një demokraci funksionale pra pikërisht paralmenti duhet të luajë rolin e vete dhe në të ardhmen. Madje këtë e kam thënë dhe në dhjetor kur kam arritur në Shqipëri, në fund të fundit kjo ka të bëj me objektivin madhor që ka Shqipëria që të jetë në BE. Objektiv që e mbështet shumica dërrmuese e qytetarëve shqiptarë. 
Prandaj thirrja që unë u bëj të gjithëve në këtë moment është tu ktheheni dialogut, jo që të bini dakord për gjithçka për të diskutuar dhe dialoguar. Gjithashtu të shmangen sulmet personale apo verbale. Lutem që të ulet përshkallëzimi.

Lajmi ne perditesim...

Rendit zhvillimet sipas orarit:

Të Fundit Të Parat

S.G/Shqiptarja.com

TAG:
• Silvio Gonzato
• PD kaos ne kuvend