POP 5

Lajmet më të lexuara të 5 minutave të fundit

Politikë

PD ‘zbarkon’ drejtuesit politikë në terren! Prezantohet Bardhi në Fier, Kaso në Korçë: Me Peleshin jo përballje emrash, por filozofie

Edhe Partia Demokratike nuk ka humbur kohë, por ka prezantuar në qarqe drejtuesit politikë. Në mungesë të Sali Berishës që tashmë është zyrtarisht i pandehur nga SPAK, prezantimi i tyre është bërë nga Noka e Paloka. 

Pa sheshuar ende dilemat dhe pakënaqësitë e brendshme për ekipin e 12 drejtuesve politikë të qarqeve, Partia Demokratike ka nisur prezantimin e tyre në bazë.

Në mungesë të Sali Berishës që tashmë është zyrtarisht i pandehur nga SPAK, prezantimi është bërë nga 2 të besuarit Noka e Paloka që Berisha gjithashtu i ka besuar dirigjimin e fushatës në mungesë të tij.

Drejtuesi i ri politik i Qarkut të Korçës, Ivi Kaso, zhvilloi një tur takimesh në pesë degët e PD-së, ku u prezantua me strukturat e opozitës. Përballjen me kundërshtarin Niko Peleshi, e komentoi si përballje filozofish dhe jo emrash.

Ndërkohë një ditë më parë në Fier u prezantua edhe Gazment Bardhi, ku megjithë socialistët do të duhet të llogarisë edhe votat e influencën politike që demokrati Enkelejd Alibeaj, i divorcuar përfundimisht me PD, ka.

“Fieri ishte ndalesa e parë në takimin prezantues me strukturat drejtuese të degës.  Fieri ka qindra arsye për të mbështetur ndyshimin, por mbi të gjitha, se kurrë nuk ju kthye besimi i madh që i kanë dhënë ndër vite partisë në pushtet. Në vend të mirënjohjes, qytetarët e ndershëm e punëtorë të Fierit u përballën gjatë gjithë këtyre viteve me arrogancën, varfërinë dhe korrupsionin në çdo sektor” shkruajti Bardhi pas takimit prezantues.

PD i zyrtarizoi më 4 shtator 12 drejtuesit politikë të saj. I pari që zbarkoi në terren ishte Ervin Salianji që iu besua drejtimi i Elbasanit, Tirana iu la Belind Këlliçit, Durrësi Oerd Bylykbashit, Shkodra Luçiano Boçit, Lezha Agron Gjekmarkajt, Fieri Bardhit, Korça Ivi Kasos, Kukësi Flamur Hoxhës, Gjirokastra Tritan Shehut, Vlora Bujar Leskajt ndërsa Berati e Dibra Eno Bozdos e Xhelal Mziut.

G.K/E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Organet e drejtësisë refuzojnë komisionin 'Antikorrupsion', si e vlerësoni?

Lajme të tjera



×

Lajmi i fundit

Dy muaj në arrati, Antonela Berisha dhe e motra strehohen në Dubai! Si u larguan nga vendi me djalin e mitur pasi shpërfytyruan me shishe qelqi Klea Prengën

Dy muaj në arrati, Antonela Berisha dhe e motra strehohen në Dubai! Si u larguan nga vendi me djalin e mitur pasi shpërfytyruan me shishe qelqi Klea Prengën

5 Tetor, 18:15