POP 5

Lajmet më të lexuara të 5 minutave të fundit

Politikë

PD-ja akuzon Xhaçkën: Ushtria lëviz me targa false në Dibër, u shpërndanë pistoleta dhe u graduan kriminelët

Ish-deputeti demokrat për qarkun e Dibrës, Xhemal Gjunkshi akuzoi sot se ministrja e Mbrojtjes Olta Xhaçka po përdor automjetet e ushtrisë shqiptare dhe helikopterin për aktivitetet elektorale të Partisë Socialiste.

Ish-deputeti demokrat për qarkun e Dibrës, Xhemal Gjunkshi akuzoi sot se ministrja e Mbrojtjes Olta Xhaçka po përdor automjetet e ushtrisë shqiptare dhe helikopterin për aktivitetet elektorale të Partisë Socialiste. Ai publikoi edhe disa foto të disa makinave, që sipas tij janë mjete të ushtrisë, por u janë ndërruar targat për t'u kamufluar dhe po përdoren nga shtabi i PS-së për fushatë në Dibër. Gjunkshi  paralajmëroi një tjetër dosje për Dibrën, ndërsa hodhi një tjetër akuzë të fortë kur tha se 'oficeri i policisë së kapur duke vjedhur në dosjen 184, Robert Aga, shoqëron materialet zgjedhore në Dibër duke përgënjeshtruar ministrin Lleshaj që deklaroi se ai nuk është më pjesë e Policisë së Shtetit'. 

Deklarata e plotë ish-deputetit të PD-së në Dibër, Xhemal Gjunkshi
Jemi këtu përpara jush për të denoncuar makinerinë e lëvizshme të krimit, e drejtuar nga qeveria Rama. Të gjithë jemi të njohur me megaskandalet e dosjes 184. Është e paprecedentë që Ministrja e Mbrojtjes së Republikës së Shqipërisë (e një vendi anëtare të NATO-s), Olta Xhaçka , shfrytëzon makinerinë shtetërore, në funksion te organizatave socialiste.  Mjetet të cilat janë në përdorim të MM, u janë tjetërsuar targat me qëllim për t’iu shmangur opinionit publik. Ajo lëviz me Helikopter te tipit EC-145, me të cilin  po e përdor si taksi private, vajtje ardhje Tiranë-Dibër. Toyota Land Cruiser me targ AA 927 YB, targë e cila i korrespondon një mjeti tjetër. Volksëagen Phaeton në përdorim të shtabit të përgjithshëm i është vëndosur targa TR 7821 R, kjo targë aktualisht I korrespondon një mjeti tip FIAT. Mjeti Toëareg me targë TR 5457 T, I korrespondon një mjeti tjetër në Forcat e  Armatosura. Mjeti Land Rover me targë AA 950 FX I korespondon një mjeti tip audi.

Gjatë fushatës  së saj elektorale Ministrja e Mbrojtjes është shoqëruar nga një numër i madh efektivësh të forcave speciale, dhe nga stafi saj  i ngushtë që punojnë në MM. Sot Ministrja e Mbrojtjes ka organizuar takim me të gjithë ata të cilët janë autorët  e inkriminuar në dosjen 184, jo vetëm që nuk kemi një distancim por ka një bashkëpunim të forte te shtetit me strukturat e faktuara te organizates kriminale. Shumë shpejt publiku do të ketë në dispozicion me fakte dosjen Dibra 2. Aktualisht ju bëjmë me dije se: Kryeminstri Rama, si dhe ushtari i tij Lleshaj, jo vetëm që nuk kanë larguar nga policia e shtetit dhe vënë para përgjegjësisë Ligjore, autorët e kësaj dosje, por vazhdojnë të drejtojnë dhe janë aktiv në përgatitjen e vjedhjes së votave. Ministri Lleshaj mashtroi përpara opinionit publik që drejtuesit e policisë të përfshirë në dosjen 184 janë larguar. Ky është një mashtrim shumë i madh.  Ato jo vetëm që nuk janë larguar por vazhdojnë të jenë të graduar.

Më konkretisht: Komisar Robert Aga i përfshirë në dosjen 184, sot ka shoqëruar materialet zgjedhore që kanë ardhur në qarkun Dibër. Drejtuesit e policisë së shtetit në shkelje të hapur të ligjit, në këmbim të votave po u bëjnë presion qytetarëve mbi dokumentacionin e qarkullimit të mjeteve, ndërtimet pa leje etj.  Kemi të dhëna që policia e shtetit në Dibër, ka shpërndarë armatim si: Pistoleta dhe automatikë. Kjo është në shkelje të plotë të ligjit elektoral. Po ju informojmë qe ne te gjithë Dibrën po lëvizin e qarkullojnë persona me rekorde kriminale dhe me dosje te zeza. Në këto kushte  Partia Demokratike në emër të qytetarëve për te siguruar qetësinë dhe rendin publik në qytetin e Peshkopisë dhe në të gjithë Dibrën,  kërkon që të merren masa urgjente për parandalimin në kohë të çdo ngjarje me pasoja të padëshirueshme.

Nga drejtuesit e pushtetit vendor në Dibër si: OSHE, DAR, institucionet e Shëndetësisë, Posta, Tatimet etj, po ushtrojnë të njëjtin presion mbi qytetarët, në këmbim të votës dhe pjesëmarrjes masive në votime, mbledhjen, dhe  blerjen e kartave te identitetit. Bekim Krashi i cili dëgjohej teksa komunikonte me ministrin Damian Gjiknuri në vitin 2016 aktualisht, mban postin e drejtuesit të OSHE në Dibër. Punonjësi i OSHE-se me inicialet E.K, se bashku me punonjësin e postës me inicalet A.S në këmbim të votave  kanë kërcënuar me jete qytetarët, duke u hequr ose duke mos ua dhënë ndihmën ekonomike dhe duke mos u shpërndarë pensionet. Të nderuar qytetarë! Me datë 30 qershor 2019 të bashkohemi të gjithë sëbashku për të mbrojtur demokracinë dhe kushtetutën.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Dibrani: 26/06/2019 21:47

    Po si qenkeni gjith njesoj mashtruesa genjeshtar shpifsa ju te PDse,o maskara burre ae mbane pergjegjesine per fjalen qe ke thene per ndarje pistoleta nga ministrja Xhaxhka,ae ke ate burreri qe ta denoncosh ket skandal ne prokurori apo eshte lathitja yte si ju gjith demokratet njesoj jeni.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Elon Musk: Mos dhuroni më asnjë qindarkë për Wikipedia-n, kontrollohet nga ekstremi i majtë

Elon Musk: Mos dhuroni më asnjë qindarkë për Wikipedia-n, kontrollohet nga ekstremi i majtë

25 Dhjetor, 19:23