Stuart Peach: Zhvillimet e fundit e kanë dëmtuar imazhin ndërkombëtar të Kosovës, Albin Kurti duhet të largojë policinë

I dërguari britanik për Ballkanin Perëndimor, Stuart Peach, ka thënë se e ka vizituar këto ditë Kosovën, “në kohë serioze”.

Ai ka thënë se në takim me kryeministrin e Kosovës, Albin Kurti e ka dhënë një mesazh të qartë.

“Vendimi i Qeverisë së Kosovës për t’i vendosur me forcë kryetarët e komunave në ndërtesa komunale, ka qenë i pamenduar mirë dhe ka pasoja të dëmshme”.

Sipas tij, ekziston nevoja që të gjitha palët t’i ulin tensionet.

“I kam përcjell zhvillimet nga afër, dhe kam biseduar me homologët në Uashington, Bruksel dhe më tej. Këto biseda ma kanë bërë të qartë se zhvillimet e fundit e kanë dëmtuar imazhin ndërkombëtar të Kosovës dhe reputacionin e saj me aleatët”.

Ai ka thënë se Britania e ka mbështetur dhe do ta mbështesë Kosovën, por veprimet e njëanshme do ta bëjnë më të vështirë diçka të tillë.

Lajmi kryesor:

Sërish tensione në veri, plagoset një polic i Kosovës në Zveçan! Komandanti i KFOR-it: Po të mos ndërhynim, tani do të mbanim zi për të vdekurit

G.MO/Shqiptarja.com

TAG:
• tensione ne veri te kosoves
• kosove
• serbi