POP 5

Lajmet më të lexuara të 5 minutave të fundit

Kronikë

Pension shtesë 270 mijë lekë për
Moikom Zeqon e Elena Kadarenë
PDF/Ja vendimi i botuar në Fl.Zyrtare

Qeveria ka vendosur të rrisë pensionin për disa artsitë dhe sportisë. Sipas vendimit të Këshillit të Ministrave të publikuar në Fletoren Zyrtare, Elena Kadare, Moikom Zeqo, Isa Tare, Kristaq Leno, Kujtim Kasmi, Nestor Jonuzi, Neptun Bajko, Koço Çomi, Aziz Tahiri, Hektor Dule dhe Kreshnik Tartari, do të marrin shtesë në pensionin e tyre në masën 27 mijë lekë të reja. 
TIRANE- Me vendim të Këshillit të Ministrave, dy shkrimtarët Moikom Zeqo dhe Elena Kadare do të përfitojnë shtesë në pensionin special shtetëror. Sipas vendimit të Këshillit të Ministrave të publikuar në Fletoren Zyrtare, krahas dy shkrimtarëve, pension special do të përfitojnë edhe personalitete të fushave të tjera si Neptun Bajko, Isa Tare, Kristaq Leno, Kujtim Kasmi, Nestor Jonuzi, Koço Çomi, Aziz Tahiri, Hektor Dule dhe Kreshnik Tartari, do të marrin shtesë në pensionin e tyre në masën 27 mijë lekë të reja. Por pensioni sipas qeverisë nuk mund të jetë më i lartë se 54 mijë lekë të reja, ose tetëfishi i pensionit social i cili llogaritet në shumën 6 750 lekë të reja në muaj. Të gjithë emrat e mësipërm kanë kontribuar në fusha të ndryshme dhe janë vlerësuar me medalje dhe çmime.
 
Vendimi 
Elena Kadare, bashkëshortja e shkrimtarit të madh shqiptar, Ismail Kadare, sipas vendimit të qeverisë do të përfitojë shtesë në pension special mujor prej 27 mijë lekë të reja, por bashkë me shtesën, pensioni i saj nuk do ta kalojë shumën e tetëfishitë të pensionit social prej 54 mijë lekësh.

“Dhënie shtesë pensioni të posaçëm shtetëror në masën e katërfishit të pensionit social, por shuma e pensionit, që i takon sipas ligjit nr. 7703, datë 11.5.1993, plus këtë shtesë, të mos kalojë tetëfishin e pensionit social”, - thuhet në vendimin e Këshillit të Ministrave. Elena Kadare është autore e shtatë vëllimeve në shqip. Veprat e saj flasin për ëndërrimet vajzërore, përjetimet e të qenit nënë e bashkëshorte. Gjithashtu, është një përkthyese cilësore e disa veprave të autorëve të njohur botërorë, kryesisht francezë. Së fundmi, Elena Kadare botoi romanin e saj “Kohë e Pamjaftueshme”,në të cilin rrëfen gjerësisht bashkëjetesën e saj me Ismail Kadarenë.

Edhe ish-ministri i Kulturës, shkrimtari i njohur, Moikom Zeqo, do të përfitojë shtesë pensioni të posaçëm shtetëror me vendim qeverisë. Njësoj si Elena Kadare, edhe pensioni i Zeqo do të ketë një ekstra prej 27 mijë lekësh të reja. Moikom Zeqo është autor i 62 librave me poezi, studime arkeologjike, për historinë e artit, si dhe të një numri skenarësh për filma kinematografike e televizivë me karakter arkeologjik dhe kulturor. Ka marrë disa herë çmime të para për librat e tij. Krijime të Moikom Zeqos janë përkthyer në gjuhët anglisht, frëngjisht, greqisht, italisht, serbokroatisht, bullgarisht, rumanisht, polonisht, danisht, esperanto, gjermanisht si dhe në gjuhën tonë.

Moikom Zeqo është sot një nga personalitetet më të mëdha dhe të njohura të kulturës sonë kombëtare. Veprat e tij dallohen për një stil lakonik, të ngjeshur dhe eruditë dhe mbahet si pionier i postmodernizmit në letrat shqipe. Ish drejtori i Muzeut Historik Kombëtar aktualisht po kalon ditët më të vështira të jetës së tij, pas diagnostikimit me sëmundjen e rëndë leuçemi akute.   
 
Artistë&sportist
Nga vendimi i qeverisë për shtesë në pensionin special shtetëror, përfitojnë edhe njerëz të artit si dhe sportistë. Kësisoj, ish sportistët e njohur, Neptun Bajko, Isa Tare dhe Kreshnik Tartari do të përfitojnë pension ekstra prej 27 mijë lekësh, i cili i shtohet pensionit të tyre real. Edhe njerëz të artit do të përfitojnë nga vendimi i Këshillit të Ministrave. Kësisoj, Nestor Jonuzi, Kristaq Leno, Kujtim Kasmi dhe Aziz Tahiri, do të përfitojnë shtesë në pensionin e tyre special. 
 
Shtesa 
11 personalitete të letërsisë, artit dhe sportit, do të përfitojnë shtesë në pensionin e tyre special shtetëror, pre 27 mijë lekësh. Vendimi parashikon që pensioni të mos jetë më i lartë se 54 mijë lekë të reja
 
Kadare&Zeqo  
Dy shkrimtarët e njohur, Elena Kadare dhe Moikom Zeqo do të përfitojnë nga vendimi i Këshillit të Ministrave, shtesë në pensionin special
 
Përfitojnë pension ekstra 
 
Moikom Zeqo, shkrimtar
 
Elena Kadare, shkrimtar 
 
Neptun Bajko, sportist 
 
Isa Tare, sportist
 
Nestor Jonuzi, piktor 
 
Kristaq Leno, artist 
 
Kujtim Kasmi, sportist 
 
Koço Çomo, arkitekt 
 
Aziz Tahiri, artist
 
Kreshnik Tartari, sportist 
 
Hektor Dule, skulptor  

Redaksia online
(S.m/shqiptarja.com)

/Shqiptarja.com
  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

Lapardhaja për Report Tv: PD është kthyer në një kosh për të korruptuarit, Berisha e ka marrë peng për hallin personal

Lapardhaja për Report Tv: PD është kthyer në një kosh për të korruptuarit, Berisha e ka marrë peng për hallin personal

16 Janar, 14:46