TIRANE- Duke filluar nga 2015-a, pensioni llogaritet mbi 1% të kontributeve që janë paguar çdo vit, duke shtuar dhe pensionin social që është 6750 lekë. Por si bashkohen vitet e sigurimit para vitit 2015-t, me periudhat pas këtij viti? Instituti i Sigurimeve Shoqërore sqaron procedurën, duke u bazuar tek pagat e çdo viti.

Sipas burimeve pranë ISSH-s periudhat e sigurimit bashkohen duke u bazuar tek pagat e çdo viti si dhe tek koefiçentët që ka miratuar Këshilli i Ministrave. Pra pagat para vitit 2015-t shumëzohen me një koefiçent të caktuar, në mënyrë që të jenë të njëjta me pagat që marrin sot punonjësit.