Pensionistët në punë pa kontribute, ligji për konsultim! Kardiologu: Mjekët mungojnë, profesionistët të punojnë! Shteti të rrisë cilësinë e shërbimeve

Qeveria ka nxjerrë për konsultim publik ligjin për sigurimet shoqërore nga ku përjashtohen nga pagesa e kontributeve pensionistët që vetëpunësohen. Për disa individë pasionet vdesin së bashku me njerëzit dhe një prej tyre është edhe ish-shefi i kardiologjisë në Spitalin ushtarak, Thanas Kulo.

Doktor Thanasi sot është 73 vjeç dhe prej 19 vitesh ka dalë në pension. Por mosha e thyer nuk e pengon që të vazhdojë punën, sa herë që i kërkohet.

“Jam i angazhuar në një klinikë private, por punoj me planëzim. Kur kanë nevojë më thërrasin. Mirëpo ajo më ndihmon shumë që të ruaj atë që quhet në jetën e përditshme, formën sportive, ose nivelin profesional”, tha Thanas Kulo.

LEXO EDHE:
Transformimi i spitalit të Kardiologjisë në QSUT, Rama: Punimet nisin shumë shpejt! Do ketë 4 salla operacioni me infrastrukturë moderne

Ndryshimet në ligj, Kulo i vlerëson si investim të mençur, në një kohë kur vend po përballet me largimin e mjekëve

“Shteti wshtw i interesuar vetw qw kwtw kapital kaq tw çmuar tw mos shkoj dëm se ka harxhuar investim te madh. Shteti duhet te ishte angazhuar me perpara , pa rene kembana e alarmit sic është tani dhe në këtë kuptim ka plotë mjek që kanë gadishmërinë, kanë mundësinë, por kanë dhe nevojën për të qenë të angazhuar në këtë sferë kaq të rëndësishme. Shteti duhet të shfrytëozoj çdo lloj mundësie që të rrisi cilësinë e shërbimit”, tha Thanas Kulo.

Mjeku kardiolog propozon forma konkrete sesi mund të ripunësohen mjekët specialistë duke rritur cilësinë e shërbimit me profesionistë që kanë një jetë me punën.

“Varianti i parë është kur mjeku dërgohet jashtë vendbanimit, ai mund të angazhohet me kohë të plotë. Po kur është puna që të mobilizohet, të angazhohet brenda vendbanimit mund të organizohet me kohë të pjesshme ,me konsulta të organizuara ose me ekspedita një grup specialistësh të cilat mbulojnë sfera të sëmundjeve kronike , probleme të vlerësimit fiziko-shëndetësore të njerëzve etj”, tha Thanas Kulo.

Me projektligjin e ri të hedhur për konsultim publik parashikohet që për të punësuarit në fushën e teknologjisë së informacion, kontributi të paguhet sipas pagës minimale, për ta motivuar sa më shumë këtë shtresë.

A.M./KT/Shqiptarja.com

TAG:
• kardiologjia
• spitali ushtarak
• mjek kardiolog
• thanas kulo