Zanafilla e konfliktit dhe përçarjes në Partinë Demokratike është shpallja “Non Grata” e Sali Berishës dhe pezullimi i tij për këtë shkak nga grupi parlamentar. Gjithçka tjetër që ka ndodhur, është pasojë.
Duke qenë se shkaku është aty, madje në kushte më të rënduara nga momenti i i parë, më së paku, sjellja e grupit të deputetëve që pretendojnë se janë bashkuar në diversitet, është paradoksale.
Paradoksale është që të shkosh poshtë ballkonit të Berishës, ta duartrokasësh atë kur sulmon sistemin e drejtësisë, SPAK-un dhe GJKKO-në, pastaj të dalësh në televizor dhe të thuash që ne mbështesim drejtësinë.
Po aq paradoksale është, të bashkohesh me Berishën dhe të heshtësh kur ai merr me radhë ambasadorë të vendeve perëndimore, sekretarë shtetesh etj., pastaj të thuash se ne duam të bashkëpunojmë me faktorin ndërkombëtar.
Është e pakuptimtë që në Kuvend, për hallin e Berishës, të shkaktosh kaos, rrëmujë dhe të prishësh seancën, duke bërë që ligjet dhe buxheti të votohen brenda 4-5 minutash, pastaj të ankohesh dhe ta çosh çështjen në Gjykatë Kushtetuese.
Po si mund të bashkohesh me Berishën, që i zë me libër shtëpie gjykatësit e këtij insitucioni dhe ata të Gjykatës së Lartë, pastaj të pozosh në shkallët e kësaj Gjykate për të pritur drejtësi prej saj!
Nëse beson variantin e Berishës, Gjykata është e kapur, gjykatësin janë lolo të Edi Ramës dhe të lidhur me krimin, ndërsa nëse nuk beson variantin e tij dhe ankohesh për drejtësi, atëherë si mund të jesh njëkohësisht edhe me Berishën, që thotë se është e kapur nga Rama dhe e lidhur me krimin, edhe me Gjykatën!
Si mund t’i kërkosh SPAK-ut që të hetojë Edi Ramën dhe Erjon Veliajn për çështjen e inceneratorit të Tiranës, ndërkohë që i je bashkuar Berishës që e quan Prokurorinë e Posaçme bandë kriminale!
Akuzat dhe sulmet që bën Berisha janë të një natyre me përmbajtje acide. Ato nuk janë deklarata të lehta dhe të thjeshta, me dy kuptime apo me nënkuptime. Ai është i qartë në sulmet e tij dhe në luftën që ka me të gjithë këto insitucione për shkak të hallit të tij personal.
Këto paradokse janë konceptuale, që ndajnë dy botë, dy qëndrime, nuk mund të jesh edhe me Berishën, edhe me SHBA-të; edhe me Berishën, edhe me SPAK-un; edhe me Berishën, edhe me Gjykatën Kushtetuese e kështu me radhë.
Mund të jesh vetëm me njërin, për shkak të ndarjes së madhe mes palëve.
Partia Demokratike është ndarë në dy grupe dhe shkaktari i kësaj ndarje është Berisha. Ata që ‘bashkohen në diversitet’ nuk ekzistojnë si realitet elektoral në këtë parti, dhe këtë e dinë edhe ata, edhe Berisha që i përdor, për sa kohë që kanë këto sjellje, sepse ndarja është në pro dhe kundër Berishës, për shkak të “Non gratës” dhe të gjithë sjelljes së tij pas atij momenti.
Ky ‘bashkim’ në diversitet shumë mirë do të quhej bashkim në oportunitet, mirëpo kjo sjellje jo vetëm që nuk e bashkon dhe kuron PD-në nga plagët e mëdha që i ka shkaktuar gjatë kësaj periudhe konflikti për shkak të Berishës, por thjesht bën që agonia të zgjasë edhe për ca kohë, por që pacienti shpëtim nuk ka. TemA
Komente
Lajme të tjera
-
Ylli Pata: E marta e kiametit...
23 Nëntor, 19:52
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17 -
Fisniku Dumani
23 Nëntor, 12:03
-
Dumani me 3 apartamente? Kreu i SPAK i përgjigjet Berishës: Kurrë në jetën time s’kam pranuar jo ryshfet, por as dhuratë mbi 100 dollarë
22 Nëntor, 21:48 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Mero Baze: Mesazhi i Berishës, nga ‘gjyqi’ i sajuar kundër Ivi Kasos
22 Nëntor, 19:24
-
'Studio Live'/ Vendimi i GJK për Berishën, Haklaj: E quajti arrestimin të ligjshëm, unanim 8-0! Meta humbi burrërinë, kërkoi pasaportën! Faik Basha: Është më i frymëzuar se kurrë
22 Nëntor, 18:01 -
Ylli Pata: Pse shpërtheu bomba në PD pas vendimit të Kushtetueses
22 Nëntor, 17:58
-
Partia Popullore Europiane 'godet' Sali Berishën, nuk kërkon lirimin e tij! Rezolutë për Shqipërinë, mbështet vijimin e reformave
22 Nëntor, 13:35
Berishen ne arrest shpie e kane futur ky trekendshi i fotografis qe deren e makines se zeze tja hapin Bardhit mashtruesit!!Keta te tre as ne lagje mos te rafshin jo ti kesh koleg,deputet apo anetar partie!
Përgjigju