POP 5

Lajmet më të lexuara të 5 minutave të fundit

Sport

Përballja e titullit, sonte Liverpool e Manchester City ‘ndezin’ Anglinë, i ndan 1 pikë në renditje

Një përballje me shumë histori, që mund të vulosë fatet e titullit kampion, luhet sot në Liverpool mes “The Reds” dhe Manchester City, që i ndan vetëm 1 pikë në renditje. Para betejës Kloop e ka cilësuar Guardiolën si më të mirin në botë, por mbrojtësi i Liverpool Arnold i ka hedhur benzinë zjarrit duke thënë se titujt e Liverpool kanë më rëndësi dhe më peshë se të Manchester Cityt.

Sot në Liverpool do luhet ndeshje më e madhe e sezonit të Premier League, pasi ‘the reds’ do kenë përballjë Cityn kampion në fuqi që mban vendin e dytë, por që ka vetëm 1 pikë më pak. Pa frikë kjo mund të konsiderohet edhe si superbeteja e titullit kampion, që është objektivi i madh i të dy klubeve. Aq më shumë i Liverpool për shkak se Jurgen Kloop dëshiron ta mbyllë me trofe sezonin e fundit të tij, duke qenë se ka deklaruar se në qershor do largohet pas 9 vitesh si trajner.

City vjen si favorit për shkak të forcës së madhe që ka në organike, por edhe sepse në 6 vitet e fundit e ka fituar 5 herë titullin në Premier League. Vetëm në sezonin 2019-2020 ka arritur ta marrë Liverpooli, por fakt është se nga viti 2003 Manchester City ka arritur vetëm një herë të fitojë në fushën e Liverpool. Ajo herë ka ndodhur në 2021 kur në Anfield u luajt pa tifozë për shkak të pandemisë, duke vënë nxjerrë në pah ndikimin që kanë mbështetesësit në këtë klub.

Para sfidës, që nis në orën 16:45, trajneri i Liverpool Kloop ka deklaruar se ‘Guardiola është trajneri më i mirë në botë’ dhe se këtë e ka treguar nga sezoni në sezon me trofetë e fituar.

Megjithatë kjo përballje është nxehur shumë nga lojtari i Liverpool Trent Alexander-Arnold, i cili gjatë kësaj jave u shpreh se sukseset e ‘the reds’, ndonëse më të paktë në numër, kanë vlerë më të madhe për shkak të forcës ekonomike të Manchester Cityt. Një deklaratë që nuk i ka pëlqyer aspak Guardiolës, i cili u përgjigj me sarkazëm duke thënë se ‘mbrojtësi duhet të mendojë të lërë pas dëmtimin dhe jo të merret me këto gjëra’. Përveç Arnold Liverpoolit në ndeshjen që mund të vulosë kampionatin do ti mungojnë edhe Diego Jota, Matip, Alisson Becker, Curtis Jones dhe Ryan Gravenberch.

SI.E./E.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Putin: Ne duam t'i japim fund luftës, jo thjesht ta ngrijmë atë! Negociatat? Në Sllovaki

Putin: Ne duam t'i japim fund luftës, jo thjesht ta ngrijmë atë! Negociatat? Në Sllovaki

26 Dhjetor, 19:20