POP 5

Lajmet më të lexuara të 5 minutave të fundit

Kultura

‘Përballje mes brezash’, Leonard Bombaj me familjen në skenë: Pse solla ‘Pëllumb Kullën’ në shfaqje

Përmes një shfaqjeje ndryshe, Leonard Bombaj performon me familjen e tij dhe  sjell aspekte të realitetit dhe jetës së përditshme në Tiranë, dhe rrëfen për Report Tv “përplasjen” e botëkuptimeve mes dy brezave.

Në skenën e Teatrit Eksperimental, Leonard Bombaj së bashku me familjen, e nisin shfaqjen “Zhveshur por bashkë” me një ftesë për në një panair libri, gati të paidentifikueshëm... Në dy kafazet e mbyllura, mes librave të përzgjedhur qëndrojnë, jo rastësisht veprat e Pëllumb Kullës, të cilat në vijim ai përpiqet t’i çlirojë nga harresa.

“Për mesazhin nisem nga jeta që kam pasur në Kanada. Atje njerëzit vlerësohen sa janë gjallë ndërsa këtu, ne kemi atë dukurinë që njeriu më i famshëm në shtëpi është ai që sapo vdiq, dhe kjo më bëri mua që të nxjerr nga etja këtë admirim. Pjesa e Pëllumb Kullës që kam vendosur, për mua është një gur në institucionin e mirënjohjes, në këtë mënyrë ne furnizojmë kujtesën kombëtare”, u shpreh Bombaj për Report Tv.

Humor, videoklipe, shou dhe ndërveprim me publikun, paralelisht çifti Bobmaj shpalos dy breza: Jeta e tyre në Tiranën gjatë komunizmit, dhe kryeqytetin e tkurrur e plotë zhurmë ku rriten fëmijët e tyre. Kinemaja e vjetër, poezia dhe ekrani aq i dëshiruar i televizorit gjatë diktaturës përplasen me ndikimin e rrjeteve sociale tek adoleshentët e sotëm.

“Tjetër që më rrëmbeu është rrugëtimi i djalit tim... Ka kryqëzimet, dilemat e veta ndoshta ndonjëherë edhe pa motiv. Finalja është që, ai është i zhytyr si gjithë moshatarët e tij në botën virtuale, dhe kur shikojmë se jeta e influencurëve është e bazuar me ‘like’, ‘folloëers’, me zhveshje, kjo është ironia ose autoirona që ne vendosim në fund bashkërisht: Të zhvishemi që të shtojmë folloëersat djalit tonë”, thekson Bombaj.

Performanca e djaloshit me autizëm Jamarbër Hoxha shënon një moment reflektimi.

“Përderisa një fëmijë i spektrit autik quhet një shpirt i shpërbërë, neve artistëve kur bëjmë vepra na shpërbëhet truri e shpirti duke u futur në historitë tona. Prandaj mendova se duhet ta kishim pranë”, thotë ai.

Një lamtumirë  e fundit në pandemi, xhiruar në muret e spitalit, trondit ata që vuajtën humbjen, por njëherazi kërkon të ftojë publikun për një qasje më të ngrohtë ndaj shoqërisë dhe vetë jetës.

“Atë video të përshëndetjes që mamaja e bashkëshortes na bën, ne nuk e shikonim dot as në shtëpi ... Bashkëshortja akoma nuk përballet dot me atë video... Gjestet e saj të fundit, në atë që unë e quaj si akt sublim duken gati si një performancë”, u shpreh Bombaj.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Tragjedi në Brazil/ Shembet ura, 2 të vdekur dhe dhjetëra të tjerë të zhdukur

Tragjedi në Brazil/ Shembet ura, 2 të vdekur dhe dhjetëra të tjerë të zhdukur

25 Dhjetor, 14:35