POP 5

Lajmet më të lexuara të 5 minutave të fundit

Kultura

'Përdhos historinë!' Dervishi i kthehet Xhufit: Avokat i krimit, ta sqaroj dhe 'dokumentin e CIA-s'

Ish-drejtori i Arkivit pranë Ministrisë së Brendshme, studiuesi Kastriot Dervishi, i është përgjigjur me po të njëjtën gjuhë të ashpër historianit Pëllumb Xhufi.Dervishi shkruan se është Xhufi që nuk mund të interpretojë faktet historike
'Përdhos historinë!' Dervishi i kthehet Xhufit: Avokat i krimit, ta sqaroj dhe 'dokumentin e CIA-s'

Pëllumb Xhufi dhe Kastriot Dervishi

Ish-drejtori i Arkivit pranë Ministrisë së Brendshme, studiuesi Kastriot Dervishi, i është përgjigjur me po të njëjtën gjuhë të ashpër historianit Pëllumb Xhufi, i cili e cilësoi Dervishin një njeri që ‘përdhos’ historinë, duke keqinterpretuar dokumentet e së shkuarës. Në kundërpërgjigje ndaj tij, Dervishi shkruan në ‘Facebook’ se është Xhufi që nuk mund të interpretojë faktet historike për shkak të origjinës së tij, që është e lidhur ngushtë me regjimin.

Duke iu referuar kampit të Tepelenës, Dervishi thotë se Xhufi nuk është i saktë, pasi të internuarit e Tepelenës janë internuar si antikomunistë e antijugosllavë që në vitin 1945 fillimisht në Berat e më pas janë zhvendosur në Tepelenë.

Xhufit dhe avokatëve të mesjetës komuniste. Për të ardhur keq që shokët e një ndërmarrje agjitpropi komunist, Auron Tare, Pëllumb Xhufi, etj, kanë vënë në mënyrë diletante këto ditë të më përmendin në komentet apo postimete tyre të mjera. Madje për këtë sajojnë edhe emisione të kota pa asnjë bosht e rend të duhur. Po ua them hapur se as më nevojitet dhe as më hyjnë në punë vlerësimet nga njerëz që adhurojnë kriminelë të njerëzimit. E kundërta do më bënte të më vriste ndërgjegjja.

Historian bëhesh me punë dhe vepra dhe nuk emërohesh nga partia. Mbase këta janë mësuar të emërojnë historianë. Punë e tyre. Unë mendoj se Xhufi ndikohet fort nga origjina e tij, e cila e ka kthyer në agjitator dhe avokat të çdo krimi të komunizmit në Shqipëri. Xhufi që dikur rrezatonte lumturi kur fotografohej në krah të Enver Hoxhës, që përzgjidhej si përkthyes special për familjen Popa në ambasadën italiane, apo qëndronte i mrekulluar si përkthyes i Ramiz Alisë (mbajti edhe fjalimin në varrimin e tij), nuk është personi që mund t’i besosh për ato që thotë. 

Dy fjalë për kampin e Tepelenës. Xhufi i kënaqur për dërrmën që iu dha partia "armiqve të popullit" (gra, pleq dhe fëmijë) aludoi krejt kot se kampi është hapur në vitin 1949 për familjarët e të arratisurve në Jugosllavi. Nuk e di nëse këtë e ka dëgjuar nga ndonjë polic i kampit nga Progonati nga rrëfime familjare. Në të vërtetë, të internuarit e Tepelenës janë internuar si antikomunistë e antijugosllavë qysh në vitin 1945 fillimisht në Berat e më pas janë zhvendosur në Tepelenë.

Në vitet e para pas lufte, elementi nacionalist nuk mund të arratisej në Jugosllavi pasi ishte një regjim i përbashkët, si këtu e atje. Dhe pikërisht në kohën kur babai i Pëllumbit, Muharem Xhufaj ishte drejtues komunist i brigadës së 5-të dhe luftonte kundër shqiptarëve në Kosovë (nuk kishte asnjë nazist në këtë kohë atje). Tani Muharremi me yll të kuq në ballë që luftonte krah për krah brigadave të shokut Tito kundër elementit nacionalist në Kosovë çfarë i bie që të jetë? 

Ta sqaroj edhe punën e “dokumentit të CIA-s” që Xhufi nuk di as ta kuptojë dhe as ta interpretojë. Në vitet 1949-1953, në kuadër të armiqësimit me Stalinin, Tito tuboi emigrantët shqiptarë që ndodheshin në Jugosllavi. Këta nuk arritën të bëjnë kurrgjë, pasi pas vitit 1953, politika e Hrushovit me Titon erdhi drejt pajtimit. Të njëjtën gjë bëri edhe Enver Hoxha me emigrantët jugosllavë në Shqipëri, por edhe ai, pas vdekjes së Stalinit nuk bëri gjë me to. Pikërisht këto dy lloj lëvizjesh të kota e pa kurrfarë peshe të Titos dhe Enverit, vlerësohen prej Xhufit sikur të ishin lëvizje të mëdha. Pas vitit 1953 Tito dhe Enveri u “pajtuan” midis tyre, etj (histori e gjatë, që nuk lidhet me kampin e Tepelenës).

Xhufi që ka studiuar mirë mesjetën, në të vërtetë mbron mesjetën më të veçantë të historisë së Shqipërisë, komunizmin.Unë kam bindjen se një njeri që ka origjinën e mëposhtme nuk mund të jetë kurrë objektiv e të dënojë krimet e komunizmit:
-Babanë sekretar në komitet partie
-Nënën me punë në Drejtorinë e Sigurimit të Shtetit
-Motrën me punë në Drejtorinë e Sigurimit të Shtetit
-Dajën prokuror
-Burrin e tezes kryetar dege në Drejtorinë e Sigurimit të Shtetit

Kastriot Dervishi, studiues

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ezeza.: 30/03/2018 18:27

    KOMUNISTET Jane KTHYER NE PUSHTET o SHQIPTARI MJERE we , me ato qe komenton PO VRET e internon si profesori yt lepiresi I xhaxhai Enveri .TE mallkoj TU thafte MENDJA staliniste PREJ DROGES Tahirametiste ! I DIPLOMUAR per enverizem .

    Përgjigju
  • Maks: 30/03/2018 11:49

    Ik mor hajdut i arkives ti e ke vendin ne burg

    Përgjigju
  • Shqiptari: 30/03/2018 10:13

    Ti qe flet me "kauzen 27 vjecare antikomuniste" te PD-s me kryetar ish-Sekretarin e PPSh-s, profesor Xhufit kur t'ja permendesh emrin ta lash mire gojen. Te vertetat nuk fshihen duke bere anti-komunistin e duke sulmuar cdo gje qe ka qene e mire ose jo e regjimit, vetem se bie ndesh me intersat e juaja. Sa per komunista, cdo dite po mesojme se 80% e te djathtes kane qene ish-b/punetore te sigurimit e anetare te PPSH-s.

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça