POP 5

Lajmet më të lexuara të 5 minutave të fundit

Ekonomi

Përfundon afati për ankesat e pagave të luftës! Deri më 21 gusht nga të dy paketat përfituan 303 mijë punonjës e ish-punonjës

Ka përfunduar afati që kishin bizneset dhe punonjësit për të paraqitur ankesat e tyre pranë tatimeve për pagat e luftës. Në total nga paketa e parë përfituan mbi 130 mijë punonjës, ndërsa nga paketa e dytë përfituan mbi 172 mijë punonjës dhe ish-punonjës. Sipas të dhënave deri në 21 gush ishin bërë më shumë se 23 mijë ankesa.

TIRANË- Këtë të martë përfundon afati që kishin të gjithë bizneset dhe qytetarët për të paraqitur ankesat e tyre për paketat financiare 1 dhe 2. Drejtoria e Përgjithshme e Tatimeve iu la afat përfituesve të ankoheshin deri më datë 25 gusht, në rast se nuk kishin marrë pagat e luftës. Po ashtu edhe bizneset që kanë një arsye për të mos aplikuar kishin afat deri sot, për të dërguar formularët me arsyet e mos-aplikimit në mënyrë që të shpëtojë nga gjoba.

Nga paketa e parë që përfshinte 3 paga lufte nga 26 mijë lekë sipas të dhënave të Ministrisë së Financave deri më 21 gusht përfituan 130,556 persona, dhe u dha një fond prej 5.8 miliardë lekësh.  Tek paketa e parë u përfshinë punonjës të biznesit të vogël, qytetarët që trajtoheshin me ndihmë ekonomike dhe pagesë papunësie.

Ndërsa nga paketa e dytë kanë përfituar pagën 40 mijë lekë 172,473 persona deri më 21 gusht me një fond në total 6.8 miliardë lekë. Tek paketa e dytë përfitues ishin ish-punonjësit dhe punonjësit tek biznesi i madh, dhe që e kanë marrë 9.429 persona.

Përfituan 65,585 punonjës të larguar nga puna nga 1 marsi deri më 17 mars. Po ashtu përfitues ishin edhe punonjësit e bizneseve me të ardhura nën 14 milionë lekë, e morën pagën 40 mijë lekë 68,316 punonjës. Dhe masa e katërt ishte për punonjësit e turizmit ku e kanë marrë vetëm 50% e përfituesve vetëm 4,920 persona. Nga paketa e dytë ishin përfitues edhe 721 naftëtar të rafinerisë së Ballshit.

Nga ana tjetër në total janë bërë 23,502 ankesa nga punonjësit për marrjen e pagës 40 mijë lekë. Tashmë administrata tatimore do të vazhdojë me shqyrtimin e ankesave, dhe përfituesve do ju kalojë paga, ndërsa bizneset do të gjobiten 50 mijë lekë për çdo aplikim të munguar. Ndërkohë janë mbi 3 mijë punonjës që nuk kanë marrë pagën e luftës edhe pse janë përfitues. Shkak për këtë janë bërë gabimet në llogaritë bankare. Drejtoria e Tatimeve ka njoftuar më herët se afati i fundit për të ndryshuar IBAN-in e llogarisë është 31 gushti 2020.

B.K./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Dita e parë në detyrë e kreut të Pentagonit, paralajmëron ndryshime të thella

Dita e parë në detyrë e kreut të Pentagonit, paralajmëron ndryshime të thella

27 Janar, 18:02