Përhapja e variantit 'Omicron' të COVID, OBSH thirrje: Personat me probleme shëndetësore dhe ata mbi 60 vjeç të shmangin udhëtimet

Kreu i OBSH-së, Tedros Adhanom Ghebreyesus

Organizata Botërore e Shëndetit i ka bërë thirrje personave që kanë probleme me shëndetin të mos udhëtojnë, për shkak të variantit 'Omicron' të COVID. Në këtë kategori përfshihen personat mbi 60 vjeç dhe ata që vuajnë nga sëmundjet e zemrës, kanceri dhe diabeti. Sipas OBSH ndalimi përgjithshëm i udhëtimeve dhe izolimi i vendeve ku është identifikuar ky variant, nuk do të ishte zgjidhje.

"Ndalimet e përgjithshme të udhëtimit nuk do të parandalojnë përhapjen ndërkombëtare të këtij varianti të COVID  dhe do të vendosin një barrë të rënd mbi mënyrën e jetesës së shumë personave. Përveç kësaj, ato mund të ndikojnë negativisht në përpjekjet globale të shëndetit gjatë një pandemie duke i dekurajuar vendet që të raportojnë dhe ndajnë të dhëna epidemiologjike dhe të renditjes", tha OBSH në deklaratë.

Sekretari i Përgjithshëm i OKB-së António Guterres tha se ishte "thellësisht i shqetësuar" për izolimin e Afrikës Jugore, duke shtuar se "njerëzit e Afrikës nuk mund të fajësohen për nivelin e ulët të vaksinimeve të disponueshme.

Më herët, kreu i OBSH-së, Tedros Adhanom Ghebreyesus, tha se kishte ende shumë pikëpyetje  në lidhje me variantin Omicron, duke përfshirë transmetimin e tij, ashpërsinë e sëmundjes që mund të provokojë dhe efektivitetin e vaksinave.

J.SH./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A duhet që Basha e Berisha të garojnë me kandidatë të përbashkët në zgjedhjet e pjesshme vendore?



×

Lajmi i fundit

John

Publikohet renditja zyrtare, ja kur do të këndojë Ronela Hajati në Eurovision