POP 5

Lajmet më të lexuara të 5 minutave të fundit

Arkiva

Periferia e Shkodrës, nën kërcënimin e landfillit të vjetë

TIRANË, 8 Tetor / ATSH / – Një problem për ndotjen ekologjike dhe për një pjesë të banorëve të periferisë së qytetit të Shkodrës,mbetet vendi i grumbullimit të vjetër të mbeturinave të këtij qyteti. Ai ndodhet në brigjet e Lumit Kir ku fare pranë banojnë shumë familje. Tashmë është ngritur landfilli i ri në Bushat, […]
Një problem për ndotjen ekologjike dhe për një pjesë të banorëve të periferisë së qytetit të Shkodrës,mbetet vendi i grumbullimit të vjetër të mbeturinave të këtij qyteti. Ai ndodhet në brigjet e Lumit Kir ku fare pranë banojnë shumë familje. Tashmë është ngritur landfilli i ri në Bushat, por mbetjet nuk u larguan nga ai i vjetri.
Çdo ditë pranë kësaj zone njerëz në nevojë, mes tyre edhe fëmijë, gërmojnë në pirgjet e mbeturinave për të ricikluar materiale plastike dhe metali.

"Në këtë zonë gazrat që çlirohen nga djegia e mbeturinave, edhe pse jo me intensitetin e dikurshëm janë shumë të rrezikshme," thotë Artan Meksi, shefi i Epidemiologjisë pranë Instituti të Shëndetit Publik në Shkodër.

"Dioksina dhe furani që çlirohen nga ky proces, janë ndër 12 ndotësit organikë kancerogjenë, më të qëndrueshëm në botë pa folur për ndotjen e ujërave nëntokësore e sipërfaqësore," shton ai.

Në qarkun e Shkodrës prodhohen rreth 165 ton mbetje urbane në ditë ose rreth 60 mijë ton në vit.

Sipas planit kombëtar për menaxhimin e mbetjeve, Shqipëria është e ndarë në 12 rajone, njëri prej të cilëve është dhe zona e Shkodrës.

Pjesë e planit të menaxhimit të mbetjeve të qarkut Shkodër, i mbështetur nga Bashkimi Europian, nëpërmjet projekteve Impael dhe Selea, ka qenë dhe ndërtimit i landfillit në Bushat.

Megjithëse landfilli i ri është ndërtuar sipasstandardeve mjedisore Europiane, zyrtarët vendor në Bashkinë e Shkodrës pranojnë që venddepozitimi i vjetër vazhdon të përbëj një shqetësim.

Për ta pastruar këtë zonë nga mbetjet Bashkia ka hartuar një projekt me tre faza, i cili është konform të gjitha ligjeve dhe konventave mjedisore të vendeve të BE-së, dhe mendohet të ketë një kosto prej 227 milionë lekësh.

Por me fondet e saj Bashkia e ka të pamundur ta financojë këtë projekt i gatshëm që në vitin 2010.Derisa të gjenden fondet,mjedisi për rreth dhe banorët në afërsi të mbetjeve,do të vuajnë pasojat e dekompozimit të tyre.

ATSH

/Shqiptarja.com
  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

VIDEO/ Shqiptari hero bën xhiron e mediave në Britaninë e Madhe, shpëton gruan nga përmbytjet në Leicestershire (EMRI)

9 Janar, 22:49