Përleshje e armatosur në qendër të Mitrovicës

F.Gjosha (1973), dhe Q.Fejza(1979) kanë pësuar lëndime të rënda trupore nga të shtënat me armë zjarri në një konflikt që ka ndodhur të shtunën mbrëma rreth orës 23.10 minuta në qendër të Mitrovics. Lëndime të lehta ka pësuar edhe A.Shyti, polic i Kosovës. Mirëpo, derisa dy të parët janë transportuar në QKUK në Prishtinë, polici Shyti është liruar pas ndihmës së dhënë në qendrën mjekësore. Sipas dr.Vehbi Lekut kirurg kujdestar në Spitalin Rajonal të Mitrovicës, Gjosha dhe Fejza kanë pësuar lëndime të rënda trupore nga plumbat, andaj edhe janë transportuar në Qendrën e Klinikës Universitare të Kosovës. Të plagosurit që janë dërguar në QKUK të Prishtinës, janë jashtë rrezikut për jetë.

Në vendngjarje , menjëherë kanë dalur hetuesit për krime të rënda të Policisë Rajonale të Mitrovicës së bashku me prokurorin, por deri në këto momente nuk kanë dhënë hollësi për rrethanat apo motivet e kësaj ngjarjeje. 

Hetuesit rajonal të sektorit për krime serioze nga drejtoria rajonale e Policisë në Mitrovicë, të cilët janë duke u marrë me rastin, së bashku me teknikët e kriminalistikës, pas ekzaminimit të vendit të ngjarjes, kanë identifikuar gëzhoja të kalibrave të ndryshëm, ndërsa janë identifikuar dhe sekuestruar 3 armë të kalibrit të vogël, pistoleta, si pjesë e provave materiale.

Lidhur me rastin e regjistruar, Policia e Kosovës, ka iniciuar paraqitje penale ndaj personave të përfshirë në rast, për vepra penale “Vrasje e rëndë në tentativë” në bazë të nenit 147 lidhur me nenin 20, si dhe “Mbajtje në pronësi, kontroll dhe shfrytëzim të paautorizuar të armëve” në bazë të nenit 328 të Kodit Penal të Kosovës.





/rg/shqiptarja.com