Përmbytje dhe reshje të dendura ka patur këtë të premte edhe në shtetin fqinj të Malit të Zi. Në zonën veriore dy lumenj dolën nga shtrati, teksa qarkullimi në disa fshatra u ndërpre. Nuk raportohet për viktima.
Reshjet e dendura kanë rritur nivelin e lumenjve dhe në pjesën qendrore të Malit të Zi. Niveli i lumit Moraça në Podgoricë është rritur për 7.5 metra, ndërsa ai i lumit Zeta në Danilovgrad për 5.5 metra.
Për shkak të reshjeve të dendura është ndërprerë qarkullimi mbi dy ura dhe në një rrugë në Danilovgrad, rreth 20 kilometra larg Podgoricës.
Në brigjet e Moraçës dhe Ribnicës në Podgoricë janë përmbytur lokalet e plazhit përgjatë këtyre dy lumenjve.
Reshjet e dendura të shiut shkaktuan telashe në qarkullim, ndërsa erërat e forta shkulën pemët.
Lajmi kryesor:
Të paktën 19 të vdekur dhe 'shumë të zhdukur' nga përmbytjet në Bosnje! Në Mal të Zi lumenjtë dolën nga shtrati e përmbytën banesa
