Përplasja e dy varkave turistike në liqenin e Komanit e ka kthyer në një moment paniku udhëtimin e pushuesve drejt Lumit të Shalës. Incidenti ndodhi këtë të mërkurë rreth orës 15:15, ndërsa dy mjetet lundruese po transportonin pushues vendas e të huaj.
Pas përplasjes, pasagjerët u nxorën në breg me mjete të tjera lundruese. Pesë mbetën të plagosur lehtë, ndërsa pushuesit e tjerë nuk pësuan lëndime.
Njëri prej tyre ka marrë dëmtime të lehta në kraharor, ndërsa dy gra kanë pësuar dëmtime në këmbë dhe në krah. Një prej pasagjerëve është turist i huaj, ndërsa 4 të tjerët që mbetën të lënduar, janë nga Lezha.
Në Koman mbërriti një helikopter i Shëndetësisë dhe një helikopter ushtarak, të cilët transportuan katër prej të dëmtuarve drejt Spitalit të Shkodrës. Një tjetër i plagosur, në gjendje më të mirë, u transportua me autoambulancë.
Shkaku kryesor dyshohet të këtë qenë shpejtësia e lartë, megjithatë do të jenë autoritetet përkatëse që do të zbardhin rrethanat e përplasjes dhe shkaku që solli incidentin në liqenin e Komanit.
Njoftimi i Policisë:
"Koman, Vau i Dejës/Informacion paraprak
Rreth orës 15:15, në liqenin e Komanit, dyshohet se aksidentalisht janë përplasur 2 mjete lundruese.
Si pasojë e përplasjes, janë dëmtuar 5 shtetas, të cilët ndodhen jashtë rrezikut për jetën, ndërsa shtetasit e tjerë që ndodheshin në mjetet lundruese nuk kanë pësuar dëmtime.
Shtetasit që ndodheshin në mjetet lundruese janë nxjerrë në kalatën e Komanit, me ndihmën e mjeteve të tjera lundruese.
Grupi hetimor po kryen veprimet për sqarimin e plotë të rrethanave të ngjarjes."
Pak ditë më parë, në një tjetër incident ujor në Porto Palermo, por në rrethana krejt të ndryshme, 4 persona u plagosën duke pësuar djegie të niveleve të ndryshme në trup, pas shpërthimit në motorin e një skafi.
Report Tv ka siguruar pamje kur 5 turistët e plagosur në incidentin e ndodhur në liqenin e Komanit, kanë mbërritur në spitalin e Shkodrës.
Ata mbetën të plagosur gjatë përplasjes së 2 varkave turistike me të cilat po udhëtonin.Turistët u nxorën menjëherë nga uji me ndihmën e mjeteve të tjera lundruese dhe 4 prej tyre u transportuan në Spitalin e Shkodrës me 2 helikopterë dhe 1 tjetër me një autoambulancë.
-
Çudi qe nuk ka ndodhe ndonje tragjedi hala andej me ato varka pa asnje standard
Përgjigju
Lajme të tjera
-
Përplasja e 2 varkave në Liqenin e Komanit, momenti kur 5 turistët e plagosur mbërrijnë në Spitalin e Shkodrës (VIDEO)
19 Gusht, 17:53 -
Beteja me flakët, 4 vatra aktive zjarri në Shqipëri! Gjatë ditës operacione me 2 avionë, 3 helikopterë dhe 140 efektivë të Forcave të Armatosura
18 Gusht, 10:17 -
Kishte kultivuar kanabis, arrestohet 58-vjeçari nga Puka! I gjendet edhe një pistoletë (EMRI+VIDEO)
17 Gusht, 13:58 -
Bijtë e Kryeziut rikthehen në festën e fshatit të Gjeçovit, kryebashkiaku Curri: Të mos lejojmë shkrirjen e bashkisë!
16 Gusht, 18:41
-
Vlorë/ Konflikt mes dy shitësve të biletave në Skelë, plagoset me thikë njëri prej tyre (EMRAT)
16 Gusht, 18:14 -
Të moshuarit e vetmuar, ndër banorët e paktë të fshatrave të Veriut! Lulash Nika nuk e braktis vendlindjen, fshatin Qebik të Fushë-Arrëzit
16 Gusht, 15:46
-
Zjarr i qëllimshëm në Vukatanë të Shkodrës, ndërhyrja në kohë shmangu përhapjen e flakëve, shoqërohet në polici zjarrvënësi i dyshuar (VIDEO)
16 Gusht, 14:52 -
Dështon përpjekja për mbjelljen e kanabisit, sekuestrohen 2500 fidanë në një furgon në Vaun e Dejës! 2 të rinj në pranga
15 Gusht, 12:44 -
Shkodër/ Të rinjtë shpërndajnë shishe me ujë për policët: Faleminderit që mbroni qytetin! Mesazh banorëve: Përdorni më pak makinat dhe më shumë biçikletat (VIDEO)
14 Gusht, 19:30 -
Pukë/ Zjarr në sipërfaqet pyjore të Tërbunit, flakët po përhapen me shpejtësi! E pamundur ndërhyrja e automjeteve zjarrfikëse
14 Gusht, 15:24 -
Vera e 'adrenalinës', policia 278 gjoba për shkelje në det! Drejtuesit e ‘jet ski’-ve afër pushuesve ndëshkohen me 100-500 mijë lekë
14 Gusht, 14:57
-
Anija turistike me mbi 100 pasagjerë në bord përfshihet nga flakët në brigjet e Turqisë, turistët hidhen në det për të shpëtuar (VIDEO)
13 Gusht, 17:37
Komente
Komento