Përplasja me armë, Ardian Çapja
në paraburgim me serum në dorë

Ardjan Çapja, pronari i hotel “Univers” në Elbasan nga u qëllua me armë në drejtim të automjetit ku ndodheshin dy efektivë të policisë që ishin dislokuar me mision vëzhgimi, është transportuar nga dhoma e spitalit në zyrat e Drejtorisë së Policisë Tiranë. Qëllimi i kësaj “vizite” e Çapjas në polici ka qënë marrja e gjurmëve të gishtave të tij, me qëllim krahasimin e tyre me gjurmët që janë gjetur në armët e sekuestruara, gjatë operacionit policor, pas breshërive që Çapjat bënë kundër policisë. Çapja është parë të zbresë nga furgoni i policisë me një serum në dorë, të cilin e mbante vetë. Kjo tregon se shëndeti i tij ende nuk është përmirësuar, pasi Çapja që prej ditës së ngjarjes mbahet i shtruar në spital, për shkak të problemeve me zemrën. Ndërkohë sapo ka para prezencën e kamerave, Çapja ka ndaluar duke mbuluar fytyrën me bluzën e tij, dhe më pas ka hyrë në polici. Ky gjest është bërë, pasi ai qëndron gjithmonë i paekspozuar në publik, kjo si pasojë e frikës së hakmarjes nga kundërshtarët e tij. Momentalisht ndaj Çapjat, është vendosur masa e sigurisë “arrest në burg”, vendim ky që është apeluar nga avokatët e tij. Mes të ndalurve janë dhe Florenc Çapja dhe Bledar Rama, të dy të lënë në arrest me burg.

Sulmi me armë
Ngjarja ka ndodhur në 8 qershor 2016, rreth orës 18:50,mjeti tip ”Mazda” në të cilin udhëtonin dy efektivët e policisë të Forcave Operacionale, kanë qenë në lëvizje në rrugën “Emin Matraxhiu”. Ata kishin detyrë mbajtjen nën vëzhgim të pjestarëve të familjes Çapja, për shkak të një ngjarjeje të ndodhur dy ditëve më parë në Elbasan. Rreth 800 metra nga hotel “Univers” në drejtimin perëndimor të rrugës, ndërsa mjeti ku gjendeshin oficerët e policisë ka qënë në lëvizje, drejtuesi i tij ka vënë re se mjeti tip “Mazda” me targë AA 007 MZ, i cili ishte dhe mjeti që ata duhej t’a mbanin në vëzhgim, i ka shoqëruar nga pas për një kohë të shkurtër dhe më pas ua ka bërë me shenjë me drita që duhej të ndalonin. Efektivi i policisë ka hapur paksa krahun, për të kuptuar se çfarë kërkonte nga ata drejtuesi i mjetit tjetër. Ndërkohë ka konstatuar se pasagjeri që ndodhej në vendin e parë pranë shoferit ka kthyer kokën nga pas tek sedilja e pasme dhe dikujt ja ka bërë me shenjë. Ndërsa mjeti ka qënë thuajse akoma i pandaluar mirë, nga dera e pasme e mjetit tip “BENZ” ka dalë një person i veshur me pantallona xhins dhe bluzë me mëngë të shkurtëra ngjyrë jeshile, i cili ka marrë në sedilje një pistolete dhe ka qëlluar drejtpërdrejte në xhamin e pasëm të mjetit “Peuget”.Këto qitje kanë thyer xhamin e pasëm dhe, pasi kanë përshkruar tej e për tej mjetin, kanë dalë nga xhami i përparmë.

Shkëmbim zjari
Efektivët e forcave operacionale i janë kundërpërgjigjur personit, i cili i pozicionuar në pjesën e pasme ka lëvizur në të dy krahët e mjetit “Mazda” duke qëlluar intensivisht. Ky veprim ka vazhduar për disa kohë dhe më pas është larguar në anën lindore të rrugës. Mjeti “Benz”, i cili gjatë kohës që po kryhej ky shkëmbim zjarri ka lëvizur paralelisht me mjetin e policëve tashmë të ndaluar. Pasi ka përshkruar rreth 30-40 metra në anën perëndimore është kthyer, duke u vënë tashmë përballë punonjësve të policisë. Ndërkohë që ata janë afruar pranë tyre, drejtuesi i Benzit ka qëlluar me pistoletë drejt punonjësve të policisë. Efektivi i ka paralajmëruar më zë të lartë dhe ka treguar dhe një bluzë të uniformës me stampimin “POLICIA”. Duke parë se dhe pas këtyre paralajmërimeve, ata nuk kanë reaguar,dy policët u janë pergjigjur më zjarr duke përdorur armën e shërbimit automatike, e cila ndodhej në mjetin e tyre. Ky shkëmbim zjarri ka vazhduar për pak dhe më pas mjeti tip ”Benz” është larguar drejt “Hotel Univers” ku kanë ardhur shërbimet e F.N.SH–se, të cilat ishin njoftuar për situatën.

Ardjan Çapja
Është gjetur në vendngjarje mjeti “Benz”, ku në vendin e shoferit ishte shtetasi Ardian Çapja, i cili gjatë dinamikës së ngjarjes rezulton të ketë qënë në vëndin e pasagjerit deri në momentin kur mjeti është larguar nga vendi ku dhe ata qëlluan shërbimet policore.

Çapja e Muça
Pas kryerjes se veprimeve të para hetimore, sekuestrimit të kamerave të disa prej lokaleve dhe ambienteve që kanë patur në fushëpamje ngjarjen, dyshohen si autorë të ngjarjes së mësipërme shtetasit Ardian Çapja, Florenc Çapja dhe Bledar Muça.
 
 










Redaksia Online
(F.T/shqiptarja.com)

TAG:
• Ardjan Çapja
• capja