Gjykata e Kurbinit ka dhënë masat e sigurisë për dy nga personat e përshirë në përplasjen me armë mesnatën e së dielës në Mamurras. Gjyqtari Olti Skrame pranoi kërkesën e prokurorisë për shtetasit Andi Diva dhe vendosi masën e sigurisë ‘arrest në burg’, ndërsa për shtetasin Devis Lleshaj dhe vendosi masën e sigurisë ‘arrest në shtëpi’, për veprat penale “Vrasje me dashe e mbetur në tentivë” kryer në bashkëpunim dhe “Armëmbajtje pa leje”.
Ndërsa për dy personat e tjerë të arrestuar Alban Skonja dhe Gentjan Diva masa e sigurisë do të zhvillohet ditën e shtunë në spitalin e traumës në Tiranë ku qëndrojnë të shtruar për shkak se mbeten të plagosur nga përplasja me armë zjarri.
Report Tv zbardhi detaje të reja nga përplasja me armë e ndodhur mesnatën e së hënës më Mamurras. Hetimet zbuluan se sherri mes dy grupeve ka nisur për një vajzë, e cila kishte bashkëjetuar me një nga vëllezërit Lleshaj dhe dyshohet se ishte përfshirë dhe në veprimtari kriminale në trafikimin e lëndëve narkotike në këtë grup. Por prej disa kohësh ishte shkëputur nga bashkëjetuesi dhe qëndronte me grupin e familjes Diva.
Ngjarja ndodhi në orët e vona të mesnatën e së hënës në Mamurras. Vëllezërit Kastriot dhe Armando Lleshaj nga Mamurrasi ngacmuan vajzën që ndodhej në shoqërinë e kushërinjve Gentian dhe Andi Diva dhe mikut të tyre Alban Skonja. Dy grupet nisen debatin në qendër të Mamurrasit dhe më pas morën automjet dhe në ecje e sipër vëllezërit Lleshaj qëlluan në drejtim të mjetit tip Hundai ku ndodheshin tre personat e tjerë bashkë me vajzën.
Menjëherë 19-vjeçari Andi Diva u kundërpërgjigj me armë dhe nga të shtënat u plagosën 39-vjeçari Alban Skonja, nga Durrësi dhe Gentian Diva, 40 vjeç nga Fushë-Mamurrasi.Në lidhje me ngjarjen deri tani është vënë në pranga 19-vjeçari Andi Diva, i cili është nip i Gentian Divës.
Po ashtu janë shpallur në kërkim vëllezërit Kastriot dhe Armando Lleshaj, të cilët arriten të largohen menjëherë pas ngjarjes dhe ende nuk është arritur në gjurmet e tyre. Ndërkohë njëri nga të plagosurit, Gentian Diva, ka qenë i dënuar për një vrasje të kryer gjatë një grabitje në vitin 1997 dhe 2 vjet më parë ishte liruar nga burgu. Gjithashtu ai është i vëllai i Enver Divës, i cili është në burg pasi akuzohet si i implikuar në vrasjen e dy vëllezërve Besmir dhe Viktor Haxhia, në Durrës në prill 2020.
Lajme të tjera
-
Apeli e dënoi për tjetërsimin e tokës te Rana e Hedhun, arratiset ish-kreu i Bashkisë së Lezhës, Fran Frrokaj! Nuk gjendet në banesë
25 Dhjetor, 13:02
-
Krishtlindja kremtohet edhe në Lezhë, qindra besimtarë i bashkohen ritualit fetar në katedralen e ‘Shën Nikollit’
25 Dhjetor, 09:47 -
Kurbin/ Humb kontrollin e mjetit dhe del nga rruga, ndërron jetë 65- vjeçari
25 Dhjetor, 08:23 -
Kisha e 'Shna Ndout' tërheq qindra besimtarë, mbahet mesha e shenjtë e Krishtlindjes
24 Dhjetor, 20:06 -
Tjetërsimi i 66 mijë m2 tokë te Rana e Hedhun, Apeli i GJKKO dyfishon dënimin për ish-kryebashkiakun Frrokaj! Do kthehet në qeli, do vuajë 2,8 vite burg (VENDIMI)
23 Dhjetor, 14:15 -
Moti i keq/ Lezha përfshihet nga rrebeshet e shiut me erëra të forta! Vështirësohet qarkullimi i mjeteve në qytet
23 Dhjetor, 12:13 -
Marrëveshja me Shqipërinë/ Meloni synon rifillimin e transferimit të emigrantëve në Gjadër! Mbledh sot qeverinë: Gjyqtarët pajtohen me ne
23 Dhjetor, 12:01 -
‘Darka e të marrëve’, komedia e famshme shfaqet në Lezhë
22 Dhjetor, 20:55
-
Binjakëzimi Mirditë- San Cosmo Albanese, Begaj: Iniciativë për të forcuar marrëdhëniet midis shqiptarëve
22 Dhjetor, 14:32 -
Lezha si asnjëherë tjetër për fundvitin, Rama: Aty ku simboli i Betlehemit është ngritur për herë të parë, pranë ‘Fshatit të festave’ (VIDEO)
21 Dhjetor, 21:59 -
Mbrëmje bamirësie në Lezhë, 20 shefa kuzhine gatuajnë për 200 persona! Mblidhen 10 mijë euro për qendrën “Rozalba” dhe familjet e varfëra
21 Dhjetor, 11:47
-
Mirditë, tregu i Krishtlindjeve pret qindra vizitorë! Të dielën koncert dhe panair me produkte lokale
21 Dhjetor, 10:18
